9 hli đhâu, Hội đồng Siz tưr - Kruôk cxuô cấp tưz hlôngr yiaz tsưr ziv lês hâux lưv; têx cêr siz tưr tưz tâu hlôngr yiaz trơưk li hâux lưv chính trị ntơưv têx cơ quan, đơn vị, cxơưz paz trâu hâux lưv lês tiar têx cêr tuôr xav, hâux lưv huôv tsar nhiax txiax, xã hội, por hưv cêr nox nhoz njias to thax tsav tsav tỉnh.

Moz siaz uô jông côngz xưv fuô kria, kruôk têx têx nênhs lês tâu hâux lưv jông; côngz xưv kruôk tâu lês trơưk đraiv cêr chai, hâux lưv kruôk tâu tsar nzir; zênhx max kruôk têx nênhs uô tâu hâux lưv jông tsik trơưk chaix, nênhs uô kôngz lông coz thiaz têx nênhs lês tâu jông côngz xưv.

Ntơưv jias cơưv, têx thành viên Hội đồng Siz tưr - Kruôk tỉnh tưz saz lax, cxênhz thiaz tso chai sâu têx bê têx nênhs tâu cấp Têz qơưk thiaz cấp tỉnh kruôk shông cơưv 2022-2023 trâu paz pơưs, tus khênhx nhoz hâur saz choz kria ntơưr ntơưv tỉnh, muôx: Qix siz tưr ntơưv Chính phủ trâu 4 paz pơưs; Ntơưr kruôk ntơưv Thủ tướng Chính phủ trâu 3 paz pơưs, 11 tus khênhx; côngz bê chiến sĩ siz tưr cấp tỉnh trâu 25 tus khênhx.

Muôx luk trâu jias cơưv, đồng chí Hoàng Quốc Khánh cxiz cxuô cấp, ngành tror hlôngr yiaz côngz xưv siz tưr kruôk; sir jos phax tar têx zav tsik jông hâur côngz xưv saiz car công chức, viên chức thiaz siz tưr, kruôk; saz lax, chox car lês jông têx cêr siz tưr chia lês tiar hâux lưv huôv tsar nhiax txiax - xã hội 5 shông (2021-2025) đros trâu lês jông têx cêr siz tưr zos Chính phủ, Thủ tướng Chính phủ thiaz tỉnh gruô hu. Đros ntơư, pov, kruôk zênhx max têx paz pơưs, tus khênhx lês tâu jông hâux lưv; yax hlo zos tiz nênhs gruôs lês tâu hâux lưv jông, têx nênhs uô kôngz lông coz, cơưv shâuv thiaz zôngs trơưk siaz xav, chưx pưv tsik txiax Hồ Chí Minh thiaz hâur têx cêr siz tưr thax tsav tỉnh...