Hâur shông 2024, thể thao Sơn La tror uô tâu jông hâux lưv trâu têx jias tưr thể thao hâur têz qơưk thiaz ntiax têz, paz trâu tỉnh thiaz têz qơưk muôx côngz nto bê. Têx vận động viên (VĐV) ntơưv tỉnh tưz côngv trâu 46 jias tưr hâur thax tsav, hur si têz qơưk thiaz ntiax têz.

Đhâu no, tưz tưr tâu 148 luz côngz mênhx, hâur ntơư, 36 Côngz mênhx Cuz, 38 Côngz mênhx Nhiax, 74 Côngz mênhx Tôngx, tâu yax 118% njuôk li tuôr xav.

Muôx lul trâu jâus njiz njêx muôs, đồng chí Chủ tịch UBPX tỉnh tưz sâu nhav thiaz kruôk têx hâux lưv uô tâu jông ntơưv têx huấn luyện viên (HLV), VĐV ntơưv têx jias tưr thể thao ntiax têz shông 2024 thiaz kror sir jos ntơưv ngành txux chi, thể thao thiaz nuôv zax tỉnh. Đros ntơư, xar cov têx HLV thiaz VĐV tsưx truôx têx hâux lưv lês tâu, sir jos cơưv shâuv, nzênhv đhâu cxuô cêr phiv liv chia uô tâu jông đuô hâux lưv trâu têx jâus tưr zuôr txos, côngv trâu cêr huôv tsar thể thao têz qơưk, chox tâu côngz mông lol trâu têz qơưk.

Ndax trâu jâus no, UBPX tỉnh puz ntơưr kruôk trâu 3 HLV, 3 VĐV; Hội Khuyến học tỉnh puz ntơưr kruôk trâu 3 HLV, 3 VĐV coz choz kria, tưr tâu zênhx trâu cxuô jâus tưr thể thao ntiax têz shông 2024.