Fuô lês têz qơưk Hâux lưv Tsưr ziv cxuz cêr yaiz pluôs truôx njês ntu 2021-2025, txix shông 2021 txos nhiv no, Tsêr nhiax CSXH huyện Mai Sơn tưz muôz nhiax pênhr trâu 14.276 ziv nênhs txaik, hâur ntơư, muôx 3.335 ziv pluôs, 2.751 ziv jê cêr pluôs, 2.567 ziv nhiv kruôr hla đhâu cêr pluôs, xav hur si nhiax txaik hur si huyện 817 tiv nhiax. Tas luz 11 hli shông 2024, hur si huyện tưz paz 252 ziv pluôs uô tiar tsêr nhoz, tâu 126% tsưr ziv zok, xav hur si 17 tiv nhiax, hâur ntơư, gruô hu paz nênhs, tus khênhx siaz jông côngv tâu ntơưv MTTQ cxuô cấp 5,8 tiv nhiax; kriz tiar 482 jias kria pâuz tsưr ziv uô nox yiaz, cơưv uô hâux lưv trâu yax 19.110 lênhx, yôngv hur si têx nênhs tâu puz ntơưr công nhav cơưv tiar hur si huyện tâu 26%; 100% lênhx zos ziv pluôs, jêx cêr pluôs, nhiv kruôr hla đhâu cêr pluôs xar tâu kria pâuz têx qơư xair tiz nênhs uô nuv, xair cơưv uô hâux lưv, paz zok nriar hâux lưv uô; 100% lênhx zos ziv pluôs, jê cêr pluôs tâu paz zuôr BHYT; 85% mê nhuôv zâuk zos ziv pluôs, jê cêr pluôs tâu muk cơưv ntơưr txưv shông; yax 5.000 ziv pluôs nhoz hâur 22 xã, thị trấn tâu paz thêv nhiax điện; 100% ziv pluôs, jê cêr pluôs xar tâu zôngv huôz chuô xor tôngx,  internet...

Shông 2025, huyện Mai Sơn tror fuô kria cán bộ, đảng viên pâuz thiaz lês jông Đảng, têz qơưk cêr chai cxuz cêr yaiz pluôs; cxơưz nênhs lâuk, nênhs tâu pêx xênhv njênhs hâur thax tsav hair nênhs tsơưs vax huôv zaz zâuv, gruô hu pêx xênhv lês muôx kaz hâu têx hâux lưv huôv tsar nhiax txiax, cxuz cêr yaiz pluôs truôx njês. Sir jos grêk têx ziv pluôs tâu 2% tror sâuv…

Ndax jias no, UBPX huyện Mai Sơn tưz gruô hu cêr sik tưr cxuz cêr yaiz pluôs shông 2025; puz ntơưr kruôk trâu 22 paz pơưs, 57 tus khênhx lês jông hâux lưv cxuz cêr yaiz pluôs shông 2024.