Txuv jias cơưv, muôx đồng chí Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; thơưx car iz cxia sở, ban, ngành thiaz 48 lênhx nênhs lâuk txơưx huôv tsar nhiax txiax hâur hur si tỉnh.

Têx shông đhâu, Ban hlôngr njêx muôs Nênhs lâuk tỉnh tưz chox car cxuô cấp hội zaz zâuv, gruô hu hội viên fuô lês ntov nti njiaz luk “Nênhs lâuk – Uô hâux lưv jông” côngv huôv tsar nhiax txiax. Nhiv no, hur si tỉnh muôx yax 60.000 lênhx nênhs lâuk huôv tsar kôngz lông, uô lax luôv; yax 3.751 lênhx nênhs lâuk uô thơưx têx vax lôngs, tsêr luôv; paz 12.380 lênhx nênhs muôx hâux lưv uô tsik tsês. Ntu shông 2018 txos 2023, muôx yax 5.600 lênhx nênhs lâuk tâu công nhav uô kôngz, lax luôv coz cxuô cấp.

Fuô luk hâur jâus cơưv, đồng chí Xuân Xênhv Tsaz tưz kruôk têx hội nênhs lâuk cxuô cấp têx hâux lưv uô tâu hâur ntu 2018-2023. Đros ntơư, cxiz cov cxuô cấp hội nênhs lâuk tror lês jông cêr sik tưr “Cơưv shâuv thiaz uô trơưk siaz xav, tsiv txiax, chux pưv Hồ Chí Minh”, “Nênhs lâuk – Uô hâux lưv jông”. Zaz zâuv nênhs lâuk tror gruô hu zuk tsêr nênhs, tuz las, tuz lis thiaz pêx xênhv uô nênhx tsiv txiax trơưk li Đảng, Têz qơưk thiaz thax tsav cêr chai tso tơưv; tror sik tưr huôv tsar kôngz lông, uô lax luôv coz…

Sâu nhav têx hâux lưv jông uô tâu, UBPX tỉnh tưz puz ntơưr kruôk trâu 15 tus khênhx; Ban hlôngr njêx muôs Hội nênhs lâuk tỉnh puz ntơưr kruôk trâu 29 tus khênhx uô ntêx lông.