Tuần grâuv pax Txux chi - Nuôv zax Tây Bắc ntơưv Thành phố Hồ Chí Minh zos qơư trâu sơưr đơưk chox têx txux chi kriz côngv uô cê, tâu siz njiz, zos jâus kria têx hax huv txux chi – Nuôv zax, cxơưz cêr siz khov, huôv tsar nuôv zax Tây Bắc đros hur si têz qơưk thiaz ntiax têz. Đros ntơư saiz hloz têx zav muôx txơưv, chơư tuz luôv muôz nhiax uô nox, cxiv tsa têx hax huv, qơư nuôv zax jông thiaz fiv jav, chuôz jos huôv tsar thiaz cxiv kho, muôx cêr siz khov lol sâuv cxuô zav trâu saz nuôv zax txix li têx tỉnh Tây Bắc thiaz Thành phố Hồ Chí Minh.

Tuần grâuv pax Txux chi nuôv zax Tây Bắc ntơưv Thành phố Hồ Chí Minh tâu kriz txix hnuz xiaz 4-7/12 đros trâu têx hâux lưv txux chi jông li: Côngv lês, saiz têx txux chi cxuô hair nênhs Puôz ziz, Hmôngz, Cho; saiz Puôz ziz Sơn La txux chi kơưk zir tưk toz hâu; luôs hâux lưv kriz cêr lov jêv “Têx zav jông Sơn La - Tây Bắc”; sênhr chêr tâus cêr đros trâu njiaz lul “Điện Biên muôx ntâu zav txux”; pir txưr đuôz zênhx zav; têx hâux lưv pir txưr, kria têx txux chi, nuôv zax, cêr lax luôv, muôs kôngz lông ntơưv tỉnh Sơn La, Điện Biên…

Ntơưv jâus kriz txux txux chi, têx đại biểu thiaz pêx xênhv tưz tâu saiz têx jax sênhr chêr, haik cưr cxiax đros njiaz lul “Việt Nam têz qơưk jông yax”, jâus no tâu phaiz uô 3 yôngx, muôx 13 jax đros trâu yax 250 lênhx nhoz thành phố Hồ Chí Minh thiaz têx tỉnh Sơn La, Điện Biên, Hà Giang, lês tâu têx txux chi jông yax thax tsav tox siaz chox mul txos trâu đrôngs thành phố muôx bê zơưv Côngz Hôx.