Têx đồng chí: Nguyễn Hữu Đông, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh; Lò Minh Hùng, Phó Bí thư Thường trực Tỉnh ủy; Hoàng Quốc Khánh, Phó Bí thư Tỉnh ủy, Chủ tịch UBPX tỉnh; Nguyễn Thái Hưng, Ủy viên Ban Thường vụ Tỉnh ủy, Chủ tịch HĐPX tỉnh; Đinh Thị Bích Thảo, Ủy viên Ban Thường vụ Tỉnh ủy, Thơưx Ban Tuyên giáo tỉnh uỷ; Lã Minh Tuấn, Tổng Biên tập Báo Sơn La tưz niak qơư tsa tơưv têx Báo Điện tử Sơn La têx faz ntơưr: Báo Sơn La luk  Anh, luk hair nênhs Poz Ziz, luk hair nênhs Hmôngz, txix kror pov njôngr ntơưv têx đồng chí Ủy viên Ban Thường vụ Tỉnh ủy, Ủy viên Ban Chấp hành Đảng bộ tỉnh; thơưx car têx sở, ban, ngành ntơưv tỉnh thiaz têx huyện, thành phố.

Báo Sơn La điện tử thâuv ntêx zos Faz ntơưr fuô mông điện tử ntơưv Báo Sơn La piz lês hâux lưv txix luz 2 hli shông 2006. Luz 8 hli shông 2016, Báo Sơn La tâu Bộ Thông tin thiaz truyền thông tso chai cxiv kho yôngv siaz yênhx Báo Sơn La điện tử, qơư kriz zos: https://www.baosonla.org.vn thiaz https://www.baosonla.com.vn.

Shông 2022, Báo Sơn La tâu Tỉnh ủy paz nhiax fuô lês “Đề án cxiv tsa, kho yôngv uô Báo Sơn La điện tử”. Txix li têx chuôz zênhx yiaz jông, zôngv tas hur si têx chuôz zênhx muôx, tsik tsês hlôngr yiaz jông njiaz luk, cêr chai, haik cxix cxuô têx hâux lưv nox nhoz hâur tsôngv pêx xênhv, têz qơưk. Tsik tsês hlôngr yiaz, saiz njôngr têx mông, muôx nzir cxix cxuô, cov jông trâu cxuô faz, têx faz sâu ntơưv báo điện tử; chok nxiak nhoz trơưr saiz mông uô hnuz, uô hmo.

Lês cêr xav fuô xa mông “Sai, zos, trâus, jông” thiaz kriz đar txâuk trâu têx nênhs nhiav saiz, Báo Sơn La điện tử tror kriz têx faz ntơưr luk Anh, luk Poz Ziz, luk Hmôngz. 3 faz ntơưr tưz tâu Cục Báo Chí, Bộ Thông tin thiaz Truyền thông tso chai số 10, 11 thiaz 12/GP-CBC hnuz 26/7/2023 thiaz tưz tso tơưv txix hnuz xiaz 1/8/2023.

Faz ntơưr luk Anh muôx bê zok nriar en.baosonla.org.vn, muôx 7 faz sâu têx zav: Xor xưv- ndêx ntus chính trị; Nhiax txiax; Đros oz chas têz qơưk siz khov; Xã hội; Nuôv zax; Thể thao; Txux chi. Ntơưv no zos ntu fuô, yâu xor mông Sơn La trâu ntiax têz pâuz, lar haik mak yâu mông lok sâuv têx zav muôx txơưv nhoz ntơưv Sơn La, chơư tuz luôv muôz nhiax cxơưz cxiv; yâu mông txos têx kôngz txir nox, nuôv zax, kria muk đêz đar txos Sơn La txơưx xav, hlôngr yiaz, nziv ndơưs thiaz nhiav kruô txos têx fôngx zưs hâur kaz ntus ntux, paz cxơưz tỉnh Sơn La đros têz qơưk siz khov đros ntiax têz.

Faz ntơưr Báo Sơn La luk Poz Ziz muôx bê zok nriar tt.baosonla.org.vn; luk Hmôngz muôx bê zok nriar tm.baosonla.org.vn. Oz faz ntơưr puôr lênhx muôx 6 ntu sâu têx zav: Xor xưv – ndêx ntus; Nhiax txiax; Xã hội; Nuôv Zax; Thể thao; Txux chi. Muôx têx mông xor xưv, haik txos tsôngv pêx xênhv cxuô hair nênhs Sơn La cêr uô nênhx, txux chi; muôx cêr siz khov lol sâuv têx txux chi cênhz cưv - nhiv no – tov kaz no trâu sâuv mạng, zôngx ziv zok nriar thâuv tưs, thax qơư tưs cux tâu.

Cxuô faz ntơưr no puôr lênhx muôx nhoz trâu sâuv đruôz mair ntơưv Báo Sơn La điện tử,  chia zôngx ziv xair tsov têx faz ntơưr thiaz tis tror trâu tus tsưr faz saiz pov qir thơưx, fiv huv, zôngx ziv saiz tâu sai. Têx cêr sir saiz comment thiaz social sharing zuôr paz têx nênhs nhênhv zôngx ziv đros saz lax jax sâu thiaz kria têx mông, jax jông đhâu têx mạng xã hội khênhr kriz ntâu nhiv no.

Tsưx truôx cêr saiz hloz txox hâux lưv xav, Báo Sơn La tsik tsês yênhx ntu fuô mông tsênhv chênhz, txâuk njênhs trâu têx nênhs nhênhv hâur zuk tỉnh thiaz luôs tỉnh, paz max trâu xưv cxênhx cxiv tsa têz qơưk ntơưv Đảng, zos luk fuô kria Đảng bộ, nov hâu têx ndâux lul cêr chai, trôngx ndâux luk txâuk njênhs ntơưv pêx xênhv cxuô hair nênhs Sơn La.