Jâus no muôx đồng chí Vương Đình Huệ, Uỷ viên Bộ Chính trị, Chủ tịch Quốc hội têz qơưk CHXHCN Việt Nam. Jâus no cux muôx têx đồng chí: Tòng Thị Phóng – kuz Uỷ viên Bộ Chính trị, kuz Phó Chủ tịch Thường trực Quốc hội; Bùi Văn Cường, Ủy viên Ban Chấp hành Trung ương Đảng, Tổng thư ký, Chủ nhiệm Văn phòng Quốc hội; Lê Minh Hoan, Ủy viên Ban Chấp hành Trung ương Đảng, Bộ trưởng Bộ Kôngz lông thiaz Huôv tsar jêx jok; thơưx car têx ban, bộ, ngành Trung ương; thơưx car têx tỉnh, thành phố; Đại sứ hlôngr vax huôv têz qơưk Cộng hòa Azerbaijan, têz qơưk Lok Tsuôk ntơưv Việt Nam thiaz Paz đại biểu tỉnh Hủa Phăn (têz qơưk Lok Tsuôk ).

Tỉnh Sơn La muôx đồng chí Nguyễn Hữu Đông, Uỷ viên Ban Chấp  hành Trung ương Đảng, Bí thư Tỉnh uỷ, Thơưx paz Đại biểu Quốc hội tỉnh; têx đồng chí hâur Thường trực Tỉnh ủy, Ủy viên Ban Thường vụ Tỉnh ủy; Thường trực HĐPX, UBPX, Ủy ban MTTQ Việt Nam tỉnh; têx đồng chí kuz thơưx car tỉnh đhâu têx ntu; thơưx car têx sở, ban ngành ntơưv tỉnh, cxuô huyện, thành phố đros hur si cán bộ, chiến sĩ têx tuz lênhv, công an, pêx xênhv cxuô hair nênhs tỉnh Sơn La.

Uô ntêx thâuv zuôr kriz grâuv pax, Chủ tịch Quốc hội Vương Đình Huệ tưz muk shuôk têx qar tsêr muôs huv hâur Ciaz nthuôr muôs “Cà phê Sơn La – Siz khov thiaz huôv tsar”. Muôx 100 qar tsêr muôs huv kria têx hâux lưv uô tâu lol sâuv huôv tsar nhiax txiax- xã hội ntơưv tỉnh; hax huv cà phê hâur tỉnh thiaz oz chas tỉnh; hax huv nuôv zax; huv kôngz, txir nox hur tỉnh Sơn La thiaz têx tỉnh, thành phố; têx huv, têx qơư pir txưr cà phê jông gâux…

Sơn La muôx đêx ar huôz chuô fiv huv chos cà phê Arabica. Txix kaz têx shông 1980, tỉnh Sơn La tưz fuô lês Hâux lưv huôv tsar cà phê - Arabica. Txos nhiv no, hur si tỉnh muôx yax 20.000 ha, txênhz 41,2% têz cà phê Arabica hur si têz qơưk thiaz zos tỉnh muôx têz chos cà phê Arabica ntâu yax hâur têz qơưk. Phênhv ntâu cà phê tâu chos trâu têx huyện Mai Sơn, Thuận Châu, Yên Châu, Sốp Cộp thiaz Thành phố Sơn La. Nhiv no muôx zuôr luôs 18.000 ha tâu muôz ntơưr công nhav truôx njês, xav sâu tâu yax 204.000 tấn txir nhôngk, muôs tâu yax 2.045 tỷ nhiax. Muôx 2 thax tsav chos cà phê tâu UBPX tỉnh công nhav zos thax tsav huôv tsar kôngz lông trơưk chuôz zênhx jông, 1 đaiv ntơưr kria pâuz qơư chos Cà phê Sơn La. Tỉnh Sơn La tưz gruô hu têx tsêr luôv tuôx muôz nhiax uô nox, cxiv puôz, uô tiar thiaz muôz lok sir zôngv têx tsêr mair lox chia jov cà phê, sir zôngv chuôz zênhx jông, paz tâu zênhx max hâux lưv jov, uô luôv thiaz muôs cà phê trâu oz chas têz. Huv Cà phê Sơn La tưz tâu muôs trâu 20 luz têz qơưk nhoz hâur EU, Bắc Mỹ, Trung Đông thiaz têx têz qơưk ASEAN đros trâu gri nhiax siaz truôx njês; paz pêx xênhv cà phê sâu nju nhiax thiaz muôx hâux lưv uô.

Fuô luk hâur jias no, đồng chí Nguyễn Hữu Đông haik mênhx: Grâuv pax Cà phê tỉnh Sơn La jâus xuz thơưx shông 2023 đros trâu njiaz luk "Arabica Sơn La - Tsư ha nhoz trâu tox siaz saz Tây Bắc" zos hâux lưv lês muôx txiax njis thiaz zos jâus chia Tỉnh Sơn La thiaz têx tỉnh Tây Bắc kria cxuô kror qơư pâuz txos hax huv cà phê Arabica; kruôk têx nênhs chos, jov, uô luôv thiaz muôs cà phê trâu oz chas têz qơưk; paz huôv tsar thax tsav chos cà phê Arabica, muôs tâu gri truôx njês, cxơưz cà phê Arabica Sơn La muôx gri, kror qơư sơưr hâur têz qơưk thiaz oz chas têz; fuô lês tsưr ziv đros têx tỉnh ntar jas thiaz tox siaz Kâuv têz siz chos huôv tsar, jov, uô luôv cà phê; cxiv tsa tỉnh Sơn La yênhx Trung tâm muôx qơư tsưx tsês kôngz lông, txir thax tsav ntar jas thiaz tox siaz Kâuv têz trơưk Nghị quyết số 11-NQ/TW hnuz xiaz 10/02/2022 ntơưv Bộ Chính trị; lês jông Nghị quyết Trung ương 5 khóa 13 lok sâuv kôngz lông, tuz kôngz, jêx jok thiaz hlôngr yiaz, huôv tsar, cxơưz paz pơưs uô luôv sâu nju nhiax txiax. Ntâu hâux lưv kriz hâur Jâus grâuv pax Cà phê Sơn La jias tiv iz, tỉnh Sơn La chia kria trâu têx tsêr luôv, tiz nênhs hâur têz qơưk thiaz oz chas têz pâuz têx hax huv Cà phê Arabica Sơn La; chơư cxuô tsêr luôv muôz nhiax tuôx cxiv puôz têx tsêr mair jov thiaz uô tơưv ntâu zax hax huv cà phê kaz tsư ha; paz huôv tsar, uô luôv thiaz muôs kôngz, txir nox trâu oz chas têz ntơưv tỉnh haik tas nro thiaz huv Cà phê Arabica haik khênhx; nzaz nzơưv thax tsav xênhz txơưv, cêr muôx liv, por hưv đêx ar huôz chuô nyiaz hur thiaz huôv tsar kôngz, txir nox truôx njês hâur thax tsav tỉnh…Trơưk đraiv njiaz luk “Arabica Sơn La - Tsư ha nhoz trâu tox siaz saz Tây Bắc”zuôr zênhv hnuz zênhv tsư ha đêz đar.

Fuô luk ntơưv Jâus kriz grâuv pax, Bộ trưởng Bộ kôngz lông thiaz huôv tsar jêx jok Lê Minh Hoan kria pâuz: Đhâu cxênhz hâur luz 8 hli shông 2023, têz cà phê hâur hur si têz qơưk đar 709.041 ha, hâur ntơư cà phê Arabica 48.172 ha, đuô li zos cà phê Robusta. Têz cà phê yuôx zêx (Arabica) ntơưv Sơn La đar 20.137 ha, txênhz 41,2% njuôk li hur si têz qơưk. Li ntơư, nhiv no Sơn La zos tỉnh muôx têz chos cà phê yuôx zêx Arabica ntâu yax hâur têz qơưk. Hâur ntu zuôr txos, Bộ Kôngz lông thiaz Huôv tsar jêx jok zuôr tror đros, kria tỉnh Sơn La pâuz iz cxia hâux lưv chos thiaz txuôk chês trâu têx tsoz cà phê lâuk; muôz 100% nôngz cà phê sâu nju, muôx gri lok chos; huôv tsar shơư têx ntông lox, ntông nox txir đros trâu têx thax tsav chos cà phê txâuk chai. Tsik tsês tu jông chia uô tơưv cà phê kaz tsưx ha muôs hâur têz qơưk thiaz oz chas têz.

Ntơưv Jias kriz grâuv pax, Paz côngz xưv ntơưv Quốc hội tưz gruô hu têx nênhs siaz jông côngv nhiax paz uô 100 luz tsêr nhoz trâu têx ziv pluôs uô nênhx txov nhêv lok sâuv tsêr nhoz hâur thax tsav tỉnh Sơn La.

Jias no tưz nthuôr cxênhx cxênhv haik cưr cxiax, sênhr chêr muôx zuôr luôs 700 tus cưk haik cưr cxiax, sênhr chêr hâur Tsêr haik cưr cxiax, sênhr chêr tỉnh Sơn La, shuv xênhz Yar cơưv Cao đẳng Sơn La thiaz têx cưk haik cưr cxiax, sênhr chêr nhoz jêx jok thành phố Sơn La siz chos nthuôr.

Đros trâu njiaz luk “Arabica Sơn La – Tsư ha nhoz trâu tox siaz saz Tây Bắc”, Cxênhx cxênhv haik cưr cxiax tưz uô jông bax, têx jax cưr cxiax - sênhr chêr - yuôz trax thav txos txiax njis cxiv tsa thiaz huôv tsar bê lax luôv cà phê Arabica Sơn La; cênhz cưv kuz chas txux ntơưv pêx xênhv cxuô hair nênhs tỉnh Sơn La thiaz txux chi, cêr nhiav kruô, thax tsav têz qơưk, tox trôngz hâur pês jông tỉnh Sơn La haik khênhx, thax tsav Tây Bắc haik tas nro.