Fuô luk saiz hloz cxênhx xưv txơưr hlo no, đồng chí Khăm Pheng Xay Sổm Pheng Ủy viên Trung ương Đảng Pêx xênhv cách mạng Lok Tsuôk, Bí thư Tỉnh ủy, Tỉnh trưởng tỉnh Hủa Phăn, lok sik jông siaz tok taz têx đồng chí thơưx car tỉnh Sơn La, têx cưk txux, nênhs haik cưr cxiax, sênhr chêr tỉnh Sơn La tưz muk txos tỉnh Hủa Phăn. Ntơưv no zos jâus chia cán bộ, pêx xênhv cxuô hair nênhs oz tỉnh siz nus, siz chos cơưv shâuv cxuô tsar zav, bôngs nzir cêr thôngx siaz siz khov txơưr hlo Việt Nam – Lok Tsuôk haik tas nro, Sơn La - Hủa Phăn haik khênhx, cxuô tiav njuôz xiaz,truôx njês.

Fuô luk ntơưv jâus kriz lês, đồng chí Nguyễn Hữu Đông, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh Sơn La, haik tiak: Hnuz Grâuv pax zos iz hâur têx hâux lưv tsênhv chênhz chia fuô lês muôx liv têx hâux lưv đros oz chas têz qơưk shông 2024; zos hâux lưv chia lês cêr sik khov muk lok, siz trâus jông Việt Nam – Lok Tsuôk haik tas nro thiaz Sơn La - Hủa Phăn haik khênhx. Zos cêr siz côngv huôv tsar nuôv zax Sơn La - Hủa Phăn thiaz têx tỉnh, thành phố hâur têz qơư thiaz ntiax têz... 

Kror ndo njôngr hâur hmo kriz lês zos Cxiax cxênhv cưr cxiax sênhr chêr đros cêr xav “Suôz cưr cxiax Sơn La - Hủa Phăn”, zos hur si têx cưk txux, nênhs haik cưr cxiax sênhr chêr ntơưv tỉnh Sơn La thiaz tỉnh Hủa Phăn côngv nthuôr. Cxiax cxênhv cưr cxiax sênhr chêr muôx têx jax jông yax, tâu xav shâuv uô tas siaz njưk, kruôk cênhz cưv uô têz qơư, cênhz cưv siz khov, siz trâus jông ntơưv 2 tỉnh Sơn La thiaz Hủa Phăn haik khênhx, oz luz têz qơư Việt Nam thiaz Lok Tsuôk haik tas nro, hâur cêr cxiv kho thiaz por hưv jêx jok, têz qơưk. 

Iz cxia zênhx zav ntơưv Cxiax cxênhv haik cưr cxiax sênhr chêr đros cêr xav “Suôz cưr cxiax Sơn La - Hủa Phăn”

Cxiax cxênhv nthuôr txux chi suôx câuv txix li tuôr têk sênhr chêr thôngx siaz thiaz sênhr chêr lăm vông ntơưv têx đại biểu đros pêx xênhv, kruô nuôv zax, pov njôngr cêr siz trâus, siz ndơưs, cxuô tiav truôx njês ntơưv oz tỉnh Sơn La - Hủa Phăn, oz hair nênhs Việt Nam– Lok Tsuôk./.