Têx tổ chức Hội Pox niav cxuô cấp hâur tỉnh muôx 1 tổ chức Hội cấp tỉnh, 12 hội LHPN têx huyện, thành phố, 3 tổ chức hội đơn vị zos tỉnh saiz car, 204 hội pox niav xã, phường, thị trấn; 2.303 chi, tổ hội, đros trâu hur si yax 232.600 hội viên. Ntu đhâu, Hội pox niav cxuô cấp tưz lês trơưk têx hâux lưv chính trị hâur thax tsav, đơn vị, chox car lês jông têx cêr tuôr xav lês côngz xưv hội thiaz cêr siz tưr pox niav. Mênhx pêv têx cêr siz tưr, jias zaz zâuv thiaz hâux lưv zov chênhr đros trâu ntâu njiaz luk, tsưr ziv jông, gruô hu tâu chôngz lênhx cán bộ, hội viên, pox niav côngv lês.

Đros trâu njiaz luk muôx vax huôv siz txis, haik ndax, tas siaz njưk, cán bộ, hội viên, pox niav tưz khov iz cxia njiaz luk lok sâuv Đảng, têz qơưk, thax tsav têx cêr chai, têx hâux lưv chính trị, nhiax txiax, xã hội ntơưv tỉnh trâu côngz xưv pox niav thiaz pox niav txir nênhx vax huôv siz txis; huôv tsar nhiax txiax, xã hội, cán bộ, hội viên, pox niav luz nênhx; zok nriar hâux lưv uô, kria uô hâux lưv trâu pox niav; njuôk kho moz, kria ntơưr trâu hội viên, pox niav…

Têx ndâux luk khov tưz tâu têx đồng chí thơưx car tỉnh, têx sở, ban, ngành siz chos saz lax, têz cxix cxuô, zos chai. Jias cơưv tsênhv kria mênhx têx hâux lưv tâu têx pox niav hâur tỉnh moz siaz txos, cux li lês côngz xưv pox niav thiaz hâux lưv pox niav, txir nênhx vax huôv siz txis hâur ntu đhâu, txix ntơư, zênhx max đơưk têx cêr phiv liv, saiz hloz pox niav qơư sơưr hâur ntu zuôr txos.

Muôx luk ntơưv jias cơưv, đồng chí Hoàng Quốc Khánh tưz cxiz cấp ủy, nov hâu, cơ quan, đơn vị, thax tsav sâu tsês têx cán bộ, hội viên pox niav têx ndâux luk; chia cxênhz yuôx, uô tiar têx cêr chai trơưk vax huôv thiaz saz lax muôx cêr chai, tsưr ziv, cxênhx cxênhv, đề án cxơưz paz pox niav chia huôv tsar nhiax txiax, xã hội. Moz siaz txos hâux lưv tso pox niav tâu mul cơưv nzir tsưr ziv, paz max trâu pox niav huôv tsar cxix cxuô, paz trâu pox niav tâu cơưv shâuv, huôv tsar thiaz côngv đas jos trâu hâux lưv huôv tsar ntơưv tỉnh…