Hnuz 25/6/2026, UBPX tỉnh tso tơưv quyết định số 1555/QĐ-UBPX tỉnh txos tso chai lês nuv xair nênhs ntiar uô Dự án Thax tsav đrôngs tox trôngz hâur pêk kho moz đros cxuô zav ntơưv Vân Hồ, xã Vân Hồ. Đơn vị trâus ntiar zos Công ty cổ phần Vân Hồ Cloud Community, xã Vân Hồ, tỉnh Sơn La. Qơư cxiv tsa dự án: Tâuz hâu nênhs muôx li 4.300 - 4.600 tus; xav lox đar dự án muôx li 170 ha.

Dự án xav tsa tơưv iz thax tsav đrôngs tox trôngz jông siz luôs, muôx têx vax tsê jông đros cêr yêz, chaz điện, muôx đêx,  cưx đêx ntưk, tênhz pov cêr thiaz thôngz xor mông tâu cxiv tsa cov tiar. Đros ntơư têx vax tsê xã hội li yar cơưv, thax tsav txux chi - thể thao, jê 40 ha ntông njuôz cxuô qơư thiaz tox trôngz hâur pêk jông saiz. Dự án cux uô yax 1.000 luz tsêr nhoz lax luôv thiaz jông tsêr nhoz so txuôs jos shơư tox trôngz; têx đrôngs qơư lax luôv, tu saiz đas jos,    kriz cêr nuôv zax thiaz uô si lov jêv. Iz chas ntơư, dự án zuôr tsês li kuz 65 ha jôngr thiaz đros đraiv kriz cêr nuôv zax tox trôngz xuz jôngr, tok txos cxiv tsa iz thax tsav đrôngs jông fiv, siz luôs đros tox trôngz thiaz huôv truôx njês.

Ntơưv Jâus chos luk, nênhs cxiv tsa chos luk lês ntov têx chai xav ntơưv chai têz qơư, côngv nhiax txiax fuô lês dự án zos cêr xav, chok nxiak uô jông thiaz cxiv tsa muôx liv. Đros ntơư, dự án zuôr tâu huôv tsar trơưk faz truôx njês, đros đraiv huôv tsar nhiax txiax fiv huv thiaz por hưv qơư nhoz nyiaz hur, tsưx tsês têx tox trôngz, huôv tsar nux gri zav muôx ntơưv zuk thax tsav thiaz chuôz jos huôv tsar trâu tsôngv nênhs pêx xênhv zuk thax tsav.

 Fuô luk chox car ntơưv Jâus chos luk, đồng chí Nguyễn Đình Việt haik tiak tỉnh Sơn La tsik so đros đraiv têx nênhs cxiv tsa hâur fuô lês têx dự án thax tsav tỉnh. Đros ntơư, cxiz cov têx sở, ngành trơưk cêr chai, hâux lưv, paz nênhs cxiv tsa chia dự án nzor fuô lês. Nênhs cxiv tsa tsuv ndo njôngr cxiv tsa cêr xav, ntơưr piar fuô lês dự án trơưk chai xav;muôz tơưv têx huv txơưr hlo, chuôz qơư yiaz trâu nuôv zax, qơư so txuôs jos jông fiv trôngx têz Sơn La, paz max tias trâu cêr xav huôv tsar nhiax txiax - xã hội ntơưv tỉnh hâur têx shông zuôr txos.