Cêr siz tưr tas nro pêx xênhv por hưv cêr nox nhoz njias to têz qơưk hâur thax tsav huyện Mường La têx shông đhâu tưz fuô tâu ntâu zav jông, trơưk cêr gruô hu: “Tas nro pêx xênhv đros cxênhz, kria têx nênhs cxâuv”, “Gruô hu têx nênhs cxâuv khiar plâuz tror lok lênhk cêr cxâuv”, “Gruô hu pêx xênhv zok chuôz zênhx, fov, yuôx tơưs trâu têz qơưk", “Tas nro tsôngv pêx xênhv thôngx siaz cxiv tsa jêx jok yiaz, đrôngs vav mênhx”...

Txos nhiv no, thôngz huyện tsênhv muôx trơưr 1.367 côngs zis pêx xênhv tưx saiz car đros trâu 22.221 lênhx; 211 paz pêx xênhv 1.005 lênhx; 197 paz nênhs, 1.061 lênhx lês hâux lưv tu plâuz; 199 paz pêx xênhv phax tar tuô hluôr tơưk, muôx 2.961 lênhx... 6 luz hli hâu shông 2024, cxuô paz nênhs tưz cxênhz thiaz tu 10 txuz plâuz cik txos cêr nhaz xênhz; 22 txuz cxâuv chai têz qơưk lok sâuv saiz car nhiax txiax, nzaz nzơưv vax huôv nox nhiax txiax; 20 txuz cxâuv chai por hưv cêr nhaz xênhz... Côngz xưv tsưx hưv cêr nox nhoz njias to tâu lês zôngx ziv, cxơưz trâu nhiax txiax - xã hội hâur thax tsav huôv tsar.

Muôx luk chox car hnuz uô hâux lưv, đồng chí Lê Hồng Long cxiz huyện Mường La tror trâu siaz njo lês cêr siz tưr tas nro tsôngv pêx xênhv por hưv cêr nox nhoz njias to Têz qơưk; trâu siaz fuô kria têx nênhs fêv têx tsưr ziv xar ruôr yêv, cov pêx xênhv chênhr phax, tsik chia têx nênhs cxâuv uô têx zav tsik jông, cxâuv chai, hiav txos cêr nox nhoz njias to hâur thax tsav. Cxiv tsa công an cấp huyện, cấp xã thiaz paz nênhs por hưv cêr nhaz xênhz, huôv tsar truôx njês têx nênhs tsưx hưv cêr nox nhoz njias to. Cxiz nênhs puôr cxov têx nênhs cxâuv, tu tiar têx txuz plâuz cik txos cêr nox nhoz njias to, tsik chia yưv nzir "cêr cuz nxor"...

Ndax jias no, Giám đốc Công an tỉnh, UBPX huyện Mường La tưz kruôk 6 paz nênhs, 31 tus khênhx lês jông cêr siz tưr tas nro pêx xênhv por hưv cêr nox nhoz njias to Têz qơưk.