Cêr siz tưr “Tas nro pêx xênhv đros por hưv njias to Têz qơưk” thax tsav huyện Vân Hồ hâur ntu đhâu tâu fuô lês đêz đar tsưx tâu njias to chính trị, njias to nhaz xênhz têz qơưk. Tas nro huyện lês trơưr 115 paz por hưv njias to qơư nhoz; 115 paz njias to pêx xênhv; 115 paz tu plâuz ntus; 24 paz hluôs nênhs uô ntêx lông por hưv jêx jok; 115 paz pêx xênhv phax tar tuô hluôr tơưk cuz; 10 paz siz côngv tưx saiz car phax, tar tuô hluôr tơưk cuz; 804 paz côngv tưx car njias to, tưx zưv, 4 kror qơư hluôs nênhs tsik muôx nênhs cxâuv, têx zav ruôr têz qơưk, 12 kror qơư zalo & camera njias to … Hâu shông txos nhiv no, têx qơư tưx car tưz paz têx Công an tu, cxênhz mênhx 125 txuz hâux lưv njias to, tưx zưv; zaz zâuv sâu tâu 52 traz fov tưx uô cxuô zav, 1 tus pak điện gruk; cxov yênhx côngz 1 tus nênhs khiar plâuz ntus riaz nênhs. 

Fuô luk ntơưv hnuz grâuv pax, đồng chí Giám đốc Công an tỉnh tưz kruôk txos têx hâux lưv uô tiar hâur côngz xưv por hưv njias to thiaz cêr siz tưr tas nro pêx xênhv đros por hưv njias to Têz qơưk ntơưv huyện Vân Hồ. Đros ntơư, cxiz cov têx cấp ủy, nov hâu, thành viên Mặt trận Tổ quốc têx cấp huyện Vân Hồ tsik tsês chox car kriz lês muôx liv cêr siz tưr tas nro pêx xênhv đros por hưv njias to Têz qơưk trâu qơư nhoz. Côngv lês ntov đros têx Công an lês muôx liv côngz xưv phax, tar nênhs cxâuv thiaz têx zav ruôr hiav têz qơưk ...

Ndax jâus no, Công an tỉnh tưz puz ntơưr kruôk 3 paz pơưs thiaz 4 tus khênhx; UBPX huyện Vân Hồ puz ntơưr kruôk 4 paz, 16 tus khênhx uô tâu hâux lưv jông yax trâu cêr siz tưr lês “Tas nro pêx xênhv por hưv njias to Têz qơưk”.