Tỉnh Sơn La taz tov huôv tsar 254 paz pơưs siz khov uô kôngz thiaz muôs kôngz txir nox hur, hâur ntơư muôx 33 paz pơưs siz khov uô thiaz muôs jâuz hur, 161 paz pơưs siz khov uô thiaz muôs txir hur; 3 paz pơưs uô tơưv thiaz muôs cà phê; 9 paz nênhs uô thiaz muôs yuôx; 19 paz nênhs zus thiaz muôs tsiax đêx... Txos nhiv no, hur si tỉnh muôx 26 zav huv tưz muôx ntơưr por hưv bê hax huv tỉnh Sơn La. Xav txos luz 11/2023, hur si cxuô zav huv ntơưv tỉnh tưz muôs tas 423.780 tấn, têx kôngz, txir nox muôs muk oz chas têz sâu tâu 158 triệu đô la, tsar yax 6,43% njuôk li shông 2022.

Ntơưv jias kriz Gala têx đại biểu tưz saz lax chia tsa têx thax tsav uô kôngz lông chos txir nox ntâu uô cê; uô jông hâux lưv siz khov uô thiaz muôs têx hax huv zos kôngz lông txir nox; chos luk zôngv bê, kria mênhx têx qơư uô tâu kôngz lông txir nox Sơn La; têx tsêr luôv qơư sơưr lok sâuv paz tuz kôngz huôv tsar thiaz muôs kôngz lông txir nox; siz khov muôs kôngz lông, txir nox cux li tror đros Hội Tuz kôngz siz khov muôs têx kôngz lông txir nox …

Hâux lưv Gala "Tuz kôngz Sơn La muôs kôngz lông" tưz kriz tơưv yar nthuôr cêr lov jêv, trâu têx hội viên Tuz kôngz, hợp tác xã, tsêr luôv ntơưv tỉnh Sơn La. Đhâu ntơư, Ban tổ chức zuôr chox têx ndâux luk sơưr saz lax muk khov trâu tỉnh, cơ quan chuyên môn, chia bax tsưr ziv muôs têx hax huv zos kôngz lông txir nox tỉnh Sơn La cov truôx njês.