Nênhs hlôngr njêx muôs Trung tâm zok nriar bôngk, hôngz poz têz qơưk tưz fuô kria Quyết định số 504/QĐ-TTg hnuz 21/4/2010 ntơưv Thủ tướng Chính phủ tso tơưv cêr chai fuô lês têz qơưk hâux lưv côngz xưv zok nriar bôngk, hôngz poz tov kaz ntu tir ntâuk tros tưz muk đhâu cêr phiv liv hâur ntu 2010-2025 (bê hu uô Hâux lưv 504). Kria pâuz tsưr ziv fuô kria, zaz zâuv hlôngr yiaz cêr xar lol sâuv tir tar tsik chia pov yưv têx txuz bôngk, hôngz poz tơưs hiav txos tiz nênhs đas jos thiaz txox sia shông 2023.

Uô trơưk têz qơưk Hâux lưv cxiv kho têx zav mas bôngk, hôngz poz hiav tov kaz ntu tir ntâuk tros tưz muk đhâu trơưk Quyết định số 504, Bộ Chỉ huy quân sự tỉnh tưz đros têx cơ quan cik txos kriz cxênhz, zok nriar bôngk, hôngz poz hâur thax tsav, zov chênhr mak têx qơư thâuv ntêx tir ntâuk tros thiaz thax tsav xair chia tir ntâuk tros. Ntu 2015-2023, Bộ Chỉ huy quân sự tỉnh tưz siz chos ruôr yênhx côngz 14 luz bôngk trâu 10 luz huyện, thành phố. 

Đhâu cxênhz, têx bôngk, hôngz poz, chuôz zênhx tơưs tsênhv tsik tâu tơưs tov kaz ntu tir ntâuk tros tưz muk đhâu ntơưv Việt Nam kror ruôr hiav txos đêx ar huôz chuô zos Bộ Chỉ huy quân sự tỉnh đros đơn vị muôx vax huôv fuô lês shông 2023, tưz tsov xav tâu 1.348 ha ar muôx bôngk, hôngz poz hiav, txênhz 0,095% hâur hur si đêx ar tas nro tỉnh. Têx bôngk, hôngz poz, chuôz zênhx tơưs tsênhv tsik tâu cxênhz pov mak muôx ntâu zav, phiv liv, zos ntâu luz têz qơưk uô tơưv.

Nênhs hlôngr njêx muôs têx cơ quan, đơn vị tưz moz siaz saz lax lok sâuv hâux lưv cxiv tsa cêr tuôr xav fuô kria lok sâuv tir tar bôngk, hôngz poz, chuôz zênhx tơưs hiav txos tiz nênhs tov kaz ntu tir ntâuk tros tưz muk đhâu. Đhâu têx hâux lưv no, sơưr đơưk tưz pâuz hlôngr yiaz cêr xar, paz pêx xênhv nhoz têx qơư tsênhv muôx bôngk, hôngz poz tov kaz ntu tir ntâuk tros tưz muk đhâu uô nênhx nhaz xênhz, iz thênhv tưs đơưk tâu phiv liv, cxơưz pêx xênhv luz nênhx truôx njês, huôv tsar nhiax txiax - xã hội./.