Chiềng Khay zos luz xã tox siaz ntơưv huyện Quỳnh Nhai, nhoz đêz đrôngs huyện 42 km. Xã muôx 11 luz jok, zuôr luôs 1.600 zis pêx xênhv đros trâu yax 7.700 lênhx nênhs, 5 hair nênhs nhoz uô cê. Hâur ntu đhâu, xã tưz moz siaz gruô hu chia cov têx cán bộ, đảng viên thiaz pêx xênhv pâuz mênhx lok sâuv cêr tuôr xav, txiax njis ntơưv hâux lưv cxiv tsa jêx jok yiaz.  Hur si xã tưz gruô hu tâu yax 300 tỷ đaiv chia cxiv tsa jêx jok yiaz, hâu ntơư, pêx xênhv paz zuôr luôs 24 tỷ đaiv chia uô cêr jêx jok, kho đuô tsêr txux chi jêx jok.

Txos nhiv no, Chiềng Khay tưz lês tiar hur si 19 tiêu chí cxiv tsa jêx jok yiaz; 100% têx cêr hâur xã tâu cxiv puôz khor kho; cêr thôngz jêx jok tâu cxiv puôz, zôngx ziv muk lok thơưv shông. Hur si 11 luz jok muôx tsêr txux chi. Xã muôx 130 ha ntông nox txir, zuôr luôs 280 ha quế, por hưv yax 5.000 ha har jôngr, moz siaz tu zus tsiax cxu chia muôs… Têx zis pluôs hâur thax tsav xã grik yuôr 12,8%; fênhx đraz sâu nhiax tâu 45 triệu đaiv/nênhs/shông.

Muôx luk jias no, đồng chí Nguyễn Thành Công, Phó Chủ tịch UBPX tỉnh, tưz kruôk thiaz phôngv côngz xã Chiềng Khay tưz tâu công nhav txâuk chai jêx jok yiaz shông 2024. Đros ntơư, cxiz cov hâur ntu zuôr txos, xã zuôr tror nthuôr huôv jông têx hâux lưv tưz lês tâu, gruô hu hur si cêr côngv têk ntơưv cxuô cấp ủy Đảng thiaz pêx xênhv, nthuôr huôv jông pêx xênhv đas jos chia lês cov tâu jông đuô têx tiêu chí tưz lês tâu; tror huôv tsar têx qơư huôv tsar nhiax txiax tâu jông, yax hlo zos hâux lưv tu zus nhux, tưv, por hưv har jông, chia txo tsơưs cêr pluôs truôx njês, paz trâu pêx xênhv sâu nju nhiax txiax, luz nênhx tâu jông, chia paz Chiềng Khay zênhv hnuz zênhv huôv tsar.