Hâur jias lês hâux lưv, Paz Cảnh sát tuô hluôr tơưk thiaz chơưv nênhs huôk chuôz tav thax tsav Mộc Châu tưz kria têx xor xưv phax tar, tuô hluôr tơưk thiaz chơưv nênhs huôk chuôz tav hâur têz qơưk thiaz tỉnh; têx tsưr ziv phax tar, tuô hluôr tơưk nhaz xênhz ntơưv têx cơ quan, đơn vị, yar cơưv; piar kria têx chuôz zênhx, yêz tuô hluôr tơưk, chơưv nênhs, huôk chuôz tav. Iz chas ntơư, têx cưk kria thiaz shuv xênhz tsênhv tâu nus thiaz mnôngs têx khơư luk cik txos côngz xưv phax tar, tuô hluôr tơưk thiaz chơưv nênhs huôk chuôz tav, têx zav zôngx ziv txaik hluôr tơưk cuz, tơưs thiaz têx tsưr ziv phax tar, tuô hluôr tơưk, têx chuôz zênhx tuô hluôr tơưk; iz cxia tsưr ziv khiar thâuv yưv hluôr tơưk cuz, tơưs. 

Cias uô kaz tâu mnôngs têx cêr chai tas, cưk kria thiaz shuv xênhz tưz tâu shâuv tuô hluôr tơưk thiaz nriar cêr khiar tơưv thâuv hluôr tơưk cuz hâur têx qar tsêr cơưv, sir zôngv thôngz tuô cov hluôr tơưk tuôs. Đhâu jias no, paz têx cưk kria thiaz shuv xênhz pâuz phax tar, tuô hluôr tơưk thiaz chơưv nênhs huôk chuôz tav, txo tsơưs yax têx cêr puôk tsuôx tiv hluôr tơưk cuz, tơưs hâur yar cơưv.