Hnuz 22/4/2024, Bộ trưởng Bộ Txux chi, Thể thao thiaz Nuôv zax tưz tso tơưv Quyết định số 1077/QĐ-BVHTTDL lok sâuv công nhav Qơư nuôv zax têz qơưk Mộc Châu, tỉnh Sơn La. Chia bax trâu jias no, UBPX tỉnh tưz tso tơưv tsưr ziv kriz têx hâux lưv kria cxuô kror qơư pâuz, cxơưz huôv tsar nuôv zax thiaz tso tơưv quyết định no. Đros ntơư, tso tơưv quyết định cxiv tsa Ban tổ chức têx hâux lưv kria cxuô kror qơư pâuz, cxơưz huôv tsar nuôv zax, tso tơưv Quyết định thiaz têx tiểu ban paz uô hâux lưv trâu Ban tổ chức.

Jias cơưv tưz tso tơưv ntâuz ntơưr kria pâuz lok sâuv phaiz hâux lưv uô mênhx pêv trâu têx thành viên Tiểu ban fuô kria, xor mông, taz kruô; saz lax thiaz thôngx iz trôngk luk têx cxênhx cxênhv cik txos, nhav nxiak fuô lês jông têx hâux lưv tâu zok lok sâuv: Fuô kria xor mông uô ntêx, hâur ntu thiaz tov kaz cxênhx xưv; sâu tơưv têx jax đuôz thav txos hâux lưv cxiv tsa thiaz huôv tsar Qơư nuôv zax têz qơưk Mộc Châu; kria pâuz têx huv nuôv zax, xênhz txơưv, muôx liv lok sâuv huôv tsar nuôv zax; cxênhx cxênhv nthuôr cêr lov jêv; gruô hu tsôngv nênhs nthuôr txux chi, muôs têx huv nuôv zax, kôngz, txir nox…

Jias công nhav tsov xav tâu kriz hnuz 18/5 ntơưv Yar tiax lox 8/5 Trung tâm Hành chính huyện Mộc Châu. Hâur ntu công nhav, txix hnuz 17-19/5, zuôr kriz ntâu hâux lưv cxơưz, kria pâuz cxuô kror qơư nuôv zax jông; nthuôr muôs, kria têx qơư, huv nuôv zax, OCOP; hnuz grâuv pax đê txir; đai câuk za; kriz têx jias nuôv zax ntơưv Qơư nuôv zax têz qơưk Mộc Châu; siz chos kriz Jias tưr tsav yêz Câur Việt Nam… Ntơư zos jias zov chênhr chia kria cxuô kror qơư pâuz thiaz công nhav Qơư nuôv zax têz qơưk Mộc Châu qơư sơưr, bê lax luôv nto mông.