Hnuz 25/12/2023, Thủ tướng Chính phủ tso chai Tuôr xav tỉnh Sơn La ntu 2021-2030, xav txos shông 2050 ntơưv Quyết định số 1676/QĐ-TTg. Tuôr xav đuô tỉnh Sơn La ntu 2021-2030, xav txos shông 2050 chia lês trơưk Nghị quyết Đại hội jâus tiv XIII ntơưv Đảng, Cêr xav huôv tsar nhiax txiax - xã hội 10 shông 2021-2030 hâur têz qơưk, Nghị quyết số 11-NQ/TW hnuz 10/2/2022 ntơưv Bộ Chính trị lok sâuv cêr tuôr xav huôv tsar nhiax txiax-xã hội, chok nxiak tsưx hưv cêr nox njias to têz qơưk thax tsav ntar jas thiaz tox siaz Kâuv Têz txos shông 2030, xav txos shông 2045; têx zav têz qơưk tuôr xav, tuôr ngành têz qơưk thiaz tuôr xav thax tsav; Nghị quyết Đại hội đại biểu Đảng bộ tỉnh Sơn La jâus tiv XV.

Trơưk ntơư, Cêr tuôr xav tỉnh Sơn La ntu 2021-2030, xav txos shông 2050 muôx têx njiaz luk zov chênhr: Qơư tuôr xav hur si tỉnh Sơn La, đros tox trôngz hâur pêk đar yax 14.000 caik cêr xưv phaz, lox tiv 3/63 tỉnh, thành phố hâur têz qơưk. Tas nro tỉnh muôx 12 đơn vị tsêr côngz xưv, toz hâu nênhs yax 1,3 triệu tus nênhs, 12 hair nênhs nhoz uô cê.

Txix ntơư, tsov xav lês tsik tsês: Sir jos txos 2030, tỉnh Sơn La yênhx luz tỉnh huôv tsar sai, tas nro, truôx njês thiaz côngz fênhx. Sir jos cxơưz tỉnh yênhx iz hâur têx tỉnh huôv tsar tov thơưx hâur thax tsav ntar jas thiaz tox siaz kâuv Têz, zos đrôngs hâur thax tsav zâu toss kâuv Têz hnuz pôngz; muôx cêr nuôv zax ntơưv thax tsav đriv têz Việt Nam – Lok Tsuôk thiaz thax tsav ntar jas tox siaz kâuv Têz; đruôz đrôngs uô tơưv huv kôngz, txir nox thax tsav ntar jas thiaz tox siaz kâuv Têz. Zôngx ziv côngv huôv tsar đros têx đrôngs nhiax txiax - xã hội lox hâur thax tsav, hâur têz qơưk, thax tsav ntiax têz ntus đêx Mê Công, têx têz qơưk nhoz puôs ndis thiaz ASEAN. Moz siaz lês jông côngz xưv tsưx hưv cêr nox nhoz njias to têz qơưk thiaz đros oz chas têz siz khov; por hưv cêr uô nênhx thax zênhz, thôngz iz trôngx lul, tas nro têz qơưk; tsưx truôx cêr thax zênhz, truôx njês, cxơưz paz huôv tsar thax tsav thiaz têz qơưk.

Tsi njênhk cêr xav hur si, cêr xar huôv tsar tsik tu ntơưv cêr tuôr xav tỉnh Sơn La huôv tsar nhiax txiax trơưk faz ntâu ngành, ntâu zav, tas nro, sai thiaz truôx njês; hlôngr yiaz truôx khor lok sâuv nhiax txiax đros hlôngr yiaz qơư huôv tsar đros công nghiệp điện, khơưz côngr, jov, uô tsês zos hâux lưv zov chinhr, têx ngành kôngz lông sir zôngv jông chuôz zênhx, tuôr xav nux gri tsar siaz thiaz nuôv zax zos uô thơưx hlo tâu muôx yax.

Tuôr xav đuô tỉnh Sơn La muôx 4 thax qơư nhiax txiax ntias tus, li: Thax tsav đrôngs lox thiaz cêr têz qơưk số 6; Thax tsav lax trôngz Mộc Châu thiaz iz ndis; Thax tsav pak đêx lox thiaz ntus đêx Đà; Thax tsav đriv têz.

Têx đrôngs lox, jêx jok, têx thax tsav tâu chai uô nuv, cxuô zav jông côngv huôv tsar trâu đrôngs lox tỉnh Sơn La tok txos cêr tuôr xav đrôngs hlôngr yiaz truôx njês, đrôngs njuôz fiv huv huôz chuô txơưr txar, muôx qơư huôv tsar đêz đar. Hâur ntu tuôr xav tsa yênhx thiaz huôv tsar 2 thax tsav nhiax txiax trôngx lôngs Lóng Sập, Nhiax txiax trôngx lôngs đriv têz Chiềng Khương; 2 thax tsav tsêr mair, li: Thax tsav tsêr mair Mai Sơn; thax tsav tsêr mair Vân Hồ thiaz 15 thax công nghiệp.

Huôv tsar cêr yêz lox, đros lês têx dự án cêr yêz ntơưv Trung ương cxiv tsa zuk thax tsav, li: Cêr yêz muk chênhr Hòa Bình - Sơn La-Điện Biên, Yar yêz za Nà Sản, kho jông đuô, kriz iz cxia cêr têz qơưk thiaz fuô lês têx dự án cêr yêz ntơưv tỉnh.

Tuôr xav têx đrôngs lox, ntu 2021-2025, tas nro tỉnh muôx 16 đrôngs (1 đrôngs jông hov  II, 2 đrôngs jông hov IV, 13 đrôngs jông hov V); đrôngs jông hlôngr tâu 20,6,1%. Ntu  2026 - 2030: Tas nro tỉnh muôx 17 đrôngs (1 đrôngs jông hov II, 6 đrôngs jông hov IV, 10 đrôngs jông hov V), têx đrôngs hlôngr li 25,8%. Sir jos txos shông 2030, thành phố Sơn La tâu zos đrôngs jông hov I.  

Ntơưv jâus cơưv no, UBPX tỉnh Sơn La muôz ntơưr Tso chai xav muôz nhiax uô nox, Ntơưr chênhr nhav chos luk cxiv tsa trâu 8 tuz luôv hlôngr njêx muôs têx nênhs cxiv tsa fuô lês têx dự án thax tsav tỉnh Sơn La./.