Nhoz đêz đrôngs huyện 56 caik cêr, Cà Nàng zos xã đêz yax ntơưv huyện Quỳnh Nhai muôx 979 ziv, 4.470 lênhx pêx xênhv. Piz cxiv tsa  jêx jok yiaz, xã tưz njiz ntâu cêr phiv liv, pêx xênhv pâuz ntơưr tsik tâu siz txis, huôv tsar kôngz lông iz kro iz zav, tsik nju nhiax txiax, tỷ tsôngv ziv pêx xênhv pluôs yuôr chôngz. Qua Đhâu cxênhz shông 2021, xã nhiv kruôr uô tâu 4/19 tiêu chí. Cấp ủy, nov hâu xã Cà Nàng tưz sir tas đas jos fuô lês hâux lưv, kria chai, gruô hu pêx xênhv đros lês.

Hâur 3 shông, xã Cà Nàng tưz gruô hu tâu yax 27 tỷ 700 triệu nhiax cxiv tsa jêx jok yiaz, hâur ntơư, pêx xênhv siz chos côngv tâu yax 1 tỷ đaiv; uô tâu 13 caik cêr bê tông đruôz jok, yax 18 caik cêr muk liax muk têz; kho 16 tus cưx đêx, 7 luz tsêr txux chi, 6 kror qơư tok đêx hur. Txos nhiv no, xã Cà Nàng tưz tiar 100% hâux lưv cxiv tsa jêx jok yiaz ntơưv xã. Xã taz tov trâuz siaz huôv tsar têx qơư uô tơưv nhiax txiax ntâu, li: Cxur blêx blâuv pỏm, txir trám đuz, ok njuôz chax đaz, chos thiên niên kiện, zus tsiax lox... Tỷ tsôngv ziv pluôs ntơưv xã nhiv no, tsuôk yuôr yax 7%; tỷ tsôngv têx nênhs muôx hâux lưv uô taz tov zos shông uô hâux lưv txênhz yax 89%.

Muôx luk phôngv côngz, đồng chí Nguyễn Thành Công, Phó Chủ tịch UBPX tỉnh tưz cxiz xã Cà Nàng tror trâu siaz fuô chai, gruô hu pêx xênhv sir jos huôv tsar nhiax txiax, txo cêr pluôs truôx njês. Moz siaz huôv tsar têx zav uô tơưv nhiax txiax ntâu, li: Zus tsiax cxu, chos har jôngr, chos yuôx hâur har xuz jôngr; uô jông lês hâux lưv choz kria; dục côngz xưv tsưx hưv cêr nhaz xênhz trâu pêx xênhv... Tror uô jông têx hâux lưv tưz lês tâu, bax hâux lưv trơưk têx chai xã jêx jok yhiaz hov jông trâu ntu zuôr txos.