Nhiv no, huyện Sông Mã muôx 30 kror qơư zơưv suôz jêz chia cxiv puôz, nhoz têx xã Chiềng Khương, Chiềng Cang, Mường Lầm, Nà nghịu, Chiềng Sơ, tâu HĐPX tỉnh tso chai lês. Hâur ntơư, muôx 14 kror qơư tâu UBPX tỉnh puz ntơưr muôx vax huôv zơưv suôz jêz đar 53,4 ha; 8 kror qơư tâu UBPX tỉnh puz ntơưr muôx vax huôv zok nriar têx qơư nziv muôx suôz jêz đar 61 ha; 8 kror qơư taz tov fuô lês tâu vax huôv khơưz têx zav muôx nhoz hâur đruôz ar.

Lok sâuv coz nas hloz pov yưv hâur thax tsav huyện, txix hâu shông txos nhiv no, coz nas hloz, chuô đax chuô đuz tưz ruôr hiav 289 luz tsêr, đêx cuôr 19 tus tsiax cxu, 14,7 ha pak njêk, 48 ha ntông nox txir, 623 ha blêx thiaz kôngz lông, ar ntưk lok cxuz 30.000m³, tox poz 273 thiar cêr muk lok, piav iz cxia njưs tâur đêx. Xav pôngz lơưv 37 tiv nhiax.

Đồng chí Phó Chủ tịch UBPX tỉnh tưz cxiz cov huyện Sông Mã tror lês jông côngz xưv tir tar coz nas hloz, txuôs jông njiaz luk “4 cias ntơưv qơư”; tsik tsês lês jông côngz xưv saiz car têz qơưk trâu hâux lưv khơưz têx zav muôx txơưv nhoz hâur đruôz ar, lar haik zơưv suôz jêz, têx tsêr luôv tsuv fuô lês ntov nti Cêr chai khơưz têx zav muôx txơưv nhoz hâur đruôz ar, đhos chuôz zênhx cxênhz yuôx thiaz cxiv puôz tsêr; zênhx max uô tiar têx ntâuz ntơưr ntâuk vax huôv tâu sir zôngv zos chai; sâu tsês têx txov nhêv hâur ntu fuô lês Cêr chai khơưz têx zav muôx txơưv nhoz hâur đruôz ar chia thor thênhv muôx vax huôv paz cxênhz yuôx kho hlôngr, cxaz nzir.