Ntơưv jâus uô hâux lưv, thơưx car Trung tâm jov jâuz, txir Doveco Sơn La tưz kria lok sâuv cêr sâu zuôr, muôs têx kôngz txir nox thax tsav tỉnh. Trơưk ntơư, txix thâuv piz siar txos nhiv no, Công ty cổ phần kar nox muôs trâu oz chas têz qơưk Đồng Giao tưz zuôr yax 8.600 tấn jâuz, txir cxuô zav; hâur ntơư, muôx li 2.000 tấn txir mo môngk. Đros ntơư, Công ty tưz fuô kria zuôr txir mo môngk trâu tuz kôngz đros trâu 7.000 nhiax/chiaz ntơưv Trung tâm jov jâuz, txir Doveco Sơn La; 8.000 nhiax/chiaz ntơưv Doveco Ninh Bình. Xav iz luz txir mo môngk hnhar txix 350 phiaz tror sâuv, tsik mas caz tho, tsik njôngs.

Trơưk xav, txix nhiv no txos kaz shông, Công ty cổ phần kar nox muôs trâu oz chas têz qơưk Đồng Giao tsov xav zuôr yax 60.000 tấn kôngz txir cxuô zav; hâur ntơư, 10.000 tấn txir chuôz thox hmaz; 1.000 tấn txir lưv tsiz, 20.000 tấn mo môngk thiaz cxuô zav kôngz txir txơưr.

Trơưk cxênhz, hur si tỉnh nhiv no muôx yax 19.600 ha mo môngk, đê tâu zuôr luôs 80.000 tấn txir, phênhv ntâu chos trâu têx huyện Mai Sơn, Yên Châu, Mường La, Thuận Châu, Sông Mã. Txix thâuv piz siar txos nhiv no, têx huyện tưz muôs tâu zuôr luôs 10.000 tấn txir mo môngk. 

Hlôngr njêx muôs Trung tâm jov jâuz, txir nox Doveco Sơn La chos luk zuôr tsưx trơưr tus gri zuôr txir li tưz fuô kria. Đros ntơư, khov tỉnh paz thiaz jav cêr zôngx ziv chia Trung tâm kriz đar thax qơư chos txir, huôv tsar nzir cxuô zav kôngz, txir nox yiaz, li tâuz têz qơưk Nhật, jâuz pax, jâuz krưr... 

Đồng chí Nguyễn Thành Công cxiz cov Trung tâm jov jâuz, txir nox Doveco Sơn La cxiv tsa cêr tuôr xav zuôr, muôs têx kôngz, txir nox; yôngv siaz cêr zuôr, jov uô cxuô zav kôngz txir, chok nxiak cêr muôx liv, truôx njês ntơưv tsêr luôv đros têx HTX thiaz zis pêx xênhv./.