Dự án cêr yêz tâu muôz pênhr cxiv puôz txâuk chai cêr jêx jok hov A, ntêr 16,6 caik. Xav nhiax tas 107,3tỷ đaiv. Têx hâux lưv chaz điện, uô kror đêx, njưs tâur đêx, cêr yêz jêx jok, tsêr cơưv tâu uô cxix cxuô, xav nhiax yax 15 tỷ đaiv.Thâuv yaik lol nhoz qơư yiaz, iz zis tâu muôz 300m² ar nhoz thiaz 1,8 ha ar uô kôngz lông; tâu paz nhiax bâuv li 3 chov cxur/nênhs/hli hâur 3 shông.

Cxuô zis pêx xênhvtsênhv tâu paz cxiv tsa têx qơư uô kôngz lông, kria tsưr ziv chos; paz zuôr zuz iz jâus zos 11 triệu đaiv/zis nênhs. Têx zis pluôs tâu txaik 5 triệu đaiv/zis hâur 2 shông chia huôv tsar kôngz lông, tu zus tsiax cxu thiaz uô lax luôv. Txos nhiv no, qơư nhoz yiaz Suối Dinh 1, Suối Dinh 2 tưz muôx 46/90 zis lok nhoz, px tưz tso siaz cxiv tsa luz nênhx trâu qơư yiaz.

Ntơưv jias cxênhz yuôx, đồng chí Nguyễn Thành Công tưz kruôk têx hâux lưv huyện Phù Yên lês tâu jông hâur côngz xưv yaik px muk nhoz qơư yiaz. Đros ntơư, cxiz têx ngành muôx vax huôv zênhx max uô tiar têx ntâuz ntơưr chia muôz nhiax uô têx hâux lưv. Huyện Phù Yên tsuv sir jos lês jông côngz xưv fuô kria, zaz zâuv px muk nhoz qơư yiaz zos cêr tuôr xav. Đros ntơư moz siaz đros têx sở, ngành ntơưv tỉnh zênhx max tu têx cêr chor nhov muôx yưv thâuv lês hâux lưv, chia pêx xênhvtso siaz uô nox cxiv tsa luz nênhx truôx njês.