Tiv coz nas tiv 2, thax tsav xã Chiềng Đen tưz mas đêx nhaz, tox poz ntơưv ntâu luz jok, uô trâu 87 luz tsêr puôk tsuôx, hâur ntơư, jok Phiêng Nghè muôx 39 luz tsêr đêx nhaz toz, muk lol tsik tâu kror tưs. Uô kaz ntux nas đêx nhaz, xã Chiềng Đen tưz gruô hu tiz nênhs paz pêx xênhv yêv chuôz tav. Nriar qơư trâu têx pêx xênhv đêx nhaz vax tsê muk đros têx cxênhz jê nhoz thiaz nhoz trâu tsêr txux chi têx jêx jok iz ndis. Nhiv no, đêx tưz nhaz tâu 9 hnuz, đêx gris kênhz.

Shuôk pêx xênhv jok Phiêng Nghè, đồng chí Nguyễn Thành Công cxiz cấp ủy, nov hâu siz chos paz qơư nhoz trâu têx ziv pêx xênhv đêx nhaz; paz kar hno trâu pêx xênhv; tsik chia lênhx tưs tsik muôx nox. Xav ntêr muk, đồng chí cxiz cxuô sở, ngành, UBPX Thành phố bax tsưr ziv uô qơư tso đêx, zov chênhr, txo tsơưs yax têx zav đêx nas hiav. Thâuv đêx nas taz tov nhaz nzir, UBPX Thành phố zuôr tsuv nriar tsưr ziv yêv pêx xênhv muk nhoz đuô qơư yiaz, cov truôx njês.

Ndax jias no, Ủy ban MTTQ Việt Nam Thành phố tưz muôz 39 poz huv, xav iz poz 2 triệu nhiax thiaz chuôz zênhx sir zôngv trâu 39 ziv pêx xênhv đêx nas saz ntơưv jok Phiêng Nghè.