Tok thiaz đros Paz côngz xưv uô hâux lưv, tỉnh pêz muôx têx đồng chí: Nguyễn Hữu Đông, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh; Hoàng Quốc Khánh, Phó Bí thư Tỉnh ủy, Chủ tịch UBPX tỉnh; Lê Hồng Minh, Phó Chủ tịch UBPX tỉnh; thơưx car iz cxia sở, ngành ntơưv tỉnh.

Đồng chí Phó Chủ tịch têz qơưk Võ Thị Ánh Xuân thiaz Paz côngz xưv tưz mul cxok pax hlơưr shaz trâu Qơư ndo txiax njis zơưv Côngz Hôx ntơưv Yar tiax lox Tây Bắc. Cưv hâu, hlơưr shaz trâu mnov Zơưv Côngz Hôx, Lênhx nênhs tưz iz tiav nênhx cxiv tsa tâu têz qơưk, chox car thiaz kria Đảng pêz têz qơưk, têx đồng chí thơưx car Trung ương, thơưx car tỉnh tưz muôx lul ndo txiax njis yar ntux txos Zơưs Côngz Hôx đas jos, txias njis tsưr ziv trâu xưv cxênhx đơưk cêr tsiv txov trâu pêx xênhv, cxiv tsa têz qơưk thiaz por hưv pêx xênhv luz nênhx.

Ntơưv mnov zơưv Côngz Hôx, Phó Chủ tịch têz qơưk Võ Thị Ánh Xuân thiaz têx thành viên hâur paz côngz xưv tưz chos lul zuôr huôv tsar nzir cênhz cưv muôx liv hâur zuk hair nênhs, thôngx siaz, thôngz iz trôngs lul lês jông têx cêr chai cxơưz paz pêx xênhv luz nênhx, zos Đảng, têz qơưk thiaz tas nro ndêx ntus chính trị txox chai moz siaz txos pêx xênhv luz nênhx cov tâu jông đuô, yax hlo mal zos paz cov pêx xênhv muôx tsiaz nox, sor siaz, zis tưs, tus cux muôx tsiaz nox thiaz tsik chia lênhx pôngz tov kaz.

Cias tov kaz hlơưr shaz tas trâu Mnov ndo txiax njis Zơưv Côngz Hôx ntơưv yar tiax lox Tây Bắc, đồng chí Phó Chủ tịch têz qơưk đros Paz côngz xưv tưz mul shuôk, puz huv Niav Việt Nam Anh hùng Đoàn Thị Diệp, tổ 10, phường Quyết Thắng thiaz thương binh Cầm Chí Kiên, tổ 7, phường Tô Hiệu, Thành phố. Đồng chí Phó Chủ tịch têz qơưk tưz uô jông nus txos niav Việt Nam Anh hùng đas jos thiaz zis nênhs muôx côngz trâu têz qơưk, đros ntơư muôx lul uô tsâus txos đas jos, trox nyar ntơưv têx thương, bệnh binh, nênhs muôx côngz trâu têz qơưk côngv trâu xưv cxênhx cxiv tsa têz qơưk cov pêx xênhv uô nênhx yar ntux đris.

Đồng chí Phó Chủ tịch têz qơưk xar cov têx zis nênhs muôx côngz tror saiz hloz cêr nhiav têz nhiav qơư, zôngs trơưk Đảng, têz qơưk têx cêr chai, sir jos lol sâuv huôv tsar nhiax txiax, uô ntêx lông trâu fâuv hluôs cơưv shâuv thiaz zôngs trơưk.

Cux zos jâus tuôx uô côngz xưv, đồng chí Võ Thị Ánh Xuân thiaz paz côngz xưv tưz mul shuôk, puz huv công nhân, nênhs uô hâux lưv Tsêr mair Tênhz điện Sơn La. 

Đồng chí Phó Chủ tịch têz qơưk muôx lul phôngv côngz trâu têx hâux lưv Tsêr mair tưz lês tâu; đros ntơư, muôx lul ntuôk thiaz đros kênh iz phênhv tưs cêr phiv liv tso điện ntơưv Tsêr mair. Đồng chí Phó Chủ tịch têz qơưk muôx lul phôngv côngz hur si cán bộ, công nhân, kỹ sư Tsêr mair Tênhz điện Sơn La cov tror tso điện nhaz xênhz, lês tâu jông.

Ndax jâus no, đồng chí Võ Thị Ánh Xuân đros têx đồng chí thơưx car tỉnh muôz 20 poz huv puz trâu nênhs uô hâux lưv hâur Tsêr mair Tênhz điện Sơn La.