Đros muk, muôx đồng chí Lưu Minh Quân, Ủy viên Ban Thường vụ Tỉnh ủy, Thơưx ban Dân vận Tỉnh ủy; thơưx chox car cxuô sở, ngành ntơưv tỉnh, hlôngr njêx muôs Ủy ban MTTQ Việt Nam tỉnh thiaz thơưx chox car huyện Vân Hồ.

Tân Xuân zos xã đriv têz, tox siaz ntơưv huyện Vân Hồ, xã muôx 9 luz jok, 5.175 lênhx nênhs, Đảng bộ xã muôx 155 tus đảng viên nhoz ntơưv 13 chi bộ. Txix hâu shông txos nhiv no, cêr nhaz xênhz tâu tsưx hưv truôx, pêx xênhv thôngz xã puôr lênhx uô nênhx njias to; pêx xênhv cxuô hair nênhs lês jông Đảng, têz qơưk têx cêr chai; cuz siaz lus siz tưr uô nox uô hâuk, tsik yuôr lênhx tưs tsir têz qơưk zuôv chai, tsik yưv têx zav cuz nxor hâur tsôngv pêx xênhv hair nênhs tsơưs. Cấp ủy, nov hâu xã moz siaz lês jông chai vax huôv siz txis, saiz hloz tsôngv pêx xênhv vax huôv; sox tsik so hâux lưv hâur cxuô thax tsav, txos nhiv no thôngz xã muôx 83 ziv, 456 lênhx pêx xênhv njênhs cêr chai yiaz, taz sik tsik muôx têx zav zuôr hiav txos Đảng, Têz qơưk.

Ntơưv jias uô hâux lưv, thơưx chox car xã Tân Xuân khov tỉnh thiaz huyện cov paz: Uô txox cêr yêz txix Xuân Nha – Tân Xuân, nhiv no tưz puôk tsuôx tas, pêx xênhv lok six phiv liv thâuv thâux kôngz lông; jok Sa Lai tsik tâu muôx xor tôngx, iz cxia jok tsuôk muôx mạng 3G xưz, li ntơư lok six phiv liv thâuv lês têx hâux lưv hâur xã, lar haik yax mak thâuv xa têx ntâuz ntơưr têz qơưk thiaz kriz xênhv bê trâu sâuv điện tử; iz cxia ziv pêx xênhv jok Láy tsik yêv muk nhoz trâu kror qơư yiaz Suối Con, tưz hiav txos nhaz xênhz.

Ntơưv jias uô hâux lưv, đồng chí Lò Minh Hùng cxiz Đảng ủy xã Tân Xuân tror lês cov jông côngz xưv cxiv tsa Đảng, mênhx nov mênhx tsư, huôv tsar đảng viên, kria nzir, cov muôx cán bộ zos hair nênhs tsơưs; lês jông têx cêr chai paz cov sơưr đơưk muôx txâuk nox txâuk hnar, côngz xưv hair nênhs; đros têx công an, tuz lênhv, tuz lênhv đriv têz siz chos tsưx hưv cêr nhaz xênhz cxuô qơưk; paz pêx xênhv huôv tsar uô nox uô hâuk, sâu nju nhiax txiax, siz chos cxiv tsa jêx jok yiaz.

Xã Tân Xuân têx cêr khov, đồng chí Phó Bí thư Thường trực Tỉnh ủy zok trâu Huyện ủy Vân Hồ cxiz UBPX huyện sâu cxix cxuô chia saz lax trâu UBPX tỉnh njuôk tsov chia paz.