Đros mul muôx đồng chí Lưu Minh Quân, Ủy viên Ban Thường vụ Tỉnh ủy, Thơưx ban Dân vận Tỉnh ủy; thơưx car têx sở, ban, ngành ntơưv tỉnh thiaz thơưx car huyện Mộc Châu.

Paz côngz xưv tưz mul shuôk thiaz uô hâux lưv ntơưv 4 luz jol, muôx: Phiêng Cài, Pha Nhên, xã Lóng Sập thiaz Suối Thín, Pha Luông, xã Chiềng Sơn. Têx hli hâu shông, hâux lưv huôv tsar nhiax txiax - xã hội ntơưv 2 xã thiaz têx jol tưz muôx ntâu hlôngr yiaz; pêx xênhv cxuô hair nênhs hâur xã tưz zôngs trơưk Đảng, têz qơưk têx cêr chai, moz siaz uô kôngz lông, huôv tsar nhiax txiax puôk tsar zav, thôngx siaz côngv cxiv tsa jêx jol yiaz.

Côngz xưv saiz car têz qơưk lol sâuv tsưx truôx cêr đaz kruôk; tsik chia yưv têx qơư cuz nxor lol sâuv hair nênhs tsơưs, cêr đaz kruôk…

Đảng ủy cxuô xã tưz fuô lês jông cxuô chỉ thị, nghị quyết ntơưv cấp siaz lol sâuv côngz xưv lês chai vax huôv siz txis ntơưv qơư nhoz, qơư uô hâux lưv, tưz kriz fuô kria txos trâu cán bộ, đảng viên; đros ntơư, chox car cấp ủy cơ sở kriz fuô kria, fuô lês jông; chox car cxuô cấp ủy, nov hâu uô jông hâux lưv saiz car têz qơưk lol sâuv cêr uô nênhx, cêr đaz kruôk; fuô kria, zaz zâuv, paz zôngx ziv trâu px cxuô hair nênhs cov uô nênhx trơưk cêr chai lix qox; đros Ban Dân vận huyện ủy, Công an huyện, têx zênhx đriv têz thiaz têx jol, tiểu khu thax tsav tsik tsês fuô kria Đảng, têz qơưk têx cêr chai lol sâuv cêr uô nênhx, cêr đaz kruôk.

Ntơưv jâus uô hâux lưv, thơưx car cxuô xã khov tỉnh, huyện moz siaz paz lol sâuv kôngz kôngz, nôngz tsiax trâu têx zis pluôs, zis jê cêr pluôs cov pêx xênhv truôx njês luz nênhx; muôx cêr chai paz uô cêr yêz jêx jol txos ntuô jol, mul lol hâur jol thax tsav xã, lar haik mal têx jol nhoz puôz đriv têz.

Muôx lul trâu jâus uô hâux lưv, đồng chí Lò Minh Hùng cxiz Đảng ủy oz xã Chiềng Sơn, Lóng Sập thiaz têx chi bộ tror lês jông côngz xưv cxiv tsa Đảng, cxiv kho ndêx ntus chính trị, moz siaz huôv tsar đảng viên, tso nênhs mul cơưv, zuôr cán bộ zos hair nênhs tsơưs uô hâux lưv; lês trơưk têx cêr chai cxơưz paz px luz nênhx, lês jông côngz xưv hair nênhs tsơưs. Tror lês jông chos lul "5 muôx, 5 tsik muôx" hâur cưr tix Hmôngz. Tsưx truôx thiaz huôv tsar têx paz nênhs saiz car, por hưv jêx jol; chox car kria pêx xênhv xair tsov nôngz kôngz chos, nôngz tsiax tu zus fiv huv chia huôv tsar nhiax txiax. Đros ntơư, siz chos đros têx công an, quân sự, biên phòng por hưv cêr nox nhoz njias to jêx jol, thax tsav; moz siaz paz pêx xênhv huôv tsar uô kôngz lông, sâu nju nhiax txiax, côngv cxiv tsa jêx jol yiaz.

Nov hâu, pêx xênhv xã têx ndâux lul khov, đồng chí Phó Bí thư Thường trực Tỉnh ủy zok trâu Huyện ủy Mộc Châu sâu tsês thiaz chox car UBPX huyện cxênhz chia saz lax trâu UBPX tỉnh tsov xav, paz trâu pêx xênhv.