Cà Nàng muôx 7 luz jok, 4.462 lênhx nênhs, zos luz xã tox siaz ntơưv huyện Quỳnh Nhai. Têx shông đhâu, tâu kror moz siaz, paz max ntơưv cxuô cấp, ngành, xã Cà Nàng tưz thôngx siaz lês têx hâux lưv huôv tsar nhiax txiax, truôx njês luz nênhx, por hưv thax tsav nox nhoz njias to. Hur si xã tsưx truôx uô 610 ha kôngz, txir nox cxuô zav; zus yax 3.000 tus nhux, tưv; yax 800 tus buô, kaiz ok muôx yax 20.000 tus; zus 40 luz guôx njês ntơưv pak đêx tênhz điện… Txos nhiv no, têx zis pluôs yuôr 11,1%, xã lês tâu 12/19 tiêu chí jêx jok yiaz…

Chiềng Khay zos xã tox siaz ntơưv huyện Quỳnh Nhai muôx 11 luz jok, yax 7.600 lênhx nênhs. Pêx xênhv cxuô hair nênhs hâur thax tsav tưz njênhs trơưk Đảng, Têz qơưk têx cêr chai; tso siaz uô kôngz lông, moz siaz huôv tsar nhiax txiax, tơưv đhâu cêr pluôs truôx njês. Txos nhiv no, fênhx đraz thax tsav xã sâu tâu 40 triệu đaiv/nênhs/shông; zis pluôs grik yuôr 7,8%; xã lês tâu 11/19 tiêu chí jêx jok yiaz… 

Ntơưv têx jias đros oz luz xã uô hâux lưv, đồng chí Phó Bí thư Thường trực Tỉnh ủy cxiz cov huyện Quỳnh Nhai moz siaz lês jông côngz xưv cxơưz paz pêx xênhv luz nênhx cov pêx xênhv nox tsiaz cxix cxuô; kriz têx hâux lưv uô si shông yiaz nhaz xênhz, shir phaz; tror lês jông têx hâux lưv huôv tsar nhiax txiax - xã hội, txo tsơưs cêr pluôs truôx njês, paz pêx xênhv luz nênhx tâu jông đuô; nthuôr huôv cênhz cưv thôngx siaz, fuô kria, zaz zâuv pêx xênhv lês jông Đảng, Têz qơưk têx cêr chai. Sir jos lês tiar têx tiêu chí cxiv tsa xã txâuk chai jêx jok yiaz hâur shông 2024 chia đros huyện Quỳnh Nhai lês tiar cêr tuôr xav cxiv tsa huyện txâuk chai jêx jok yiaz trơưk tuôr xav.

Ndax jias no, Paz côngz xưv tưz krưr 93 poz huv trâu têx nênhs muôx côngz, nênhs lâuk, zis pluôs thax tsav xã Cà Nàng thiaz Chiềng Khay.