Dự án cxiv puôz cêr yêz muk chênhr Hoà Bình - Mộc Châu, ntu nhoz thax tsav tỉnh Sơn La ntêr 32,3 caik, muôx 3 poz ntiar  đhok (26, 27, 28). Côngz xưv yêv qơư đo tâu têx thax tsav côngv lês; txos nhiv no tưz tso chai thêv qơư, paz yêv qơư đo thiaz zok tâu 31,93/32,30 caik, tâu 98,85%. Nhiv no, tas nro txox cêr, têx nênhs ntiar lês trơưr 39 kror uô plơưr cêr, qox, cêr yuôv thiaz têx zav paz nzir  đros 678 tus nênhs thiaz 320 chuôz zênhx máy móc. Xav gri lês txos nhiv no tâu 398,7/3.354 tiv nhiax, tâu 12% gri chos luk. Tsêr so số 1 (caik75+920, saz xik txox cêr ) nênhs ntiar uô tưz fênhx tâu qơư tiax li 3,07 ha, plơưr tiax 2,9 ha; tsêr so số 2 (Caik 76+400, saz lâux txox cêr )tưz uô tiar fênhx tiax 3 ha, plơưr tiax 2,7 ha.

Ntơưv jâus uô nuv, hlôngr tsưr cxiv tsa thiaz têx nênhs ntiar uô tưz haik txos cêr chor nhov , khuôv đais thâuv fuô lês dự án, li: Tsênhv yuôr iz cxia qơư ntu cêr  tsik tâu yêv qơư đo; iz cxia qơư npuôr khâuz por tsês, cêr têz qơư tsênhv khuôv đais  tiv pêx xênhv tsik tâu zênhv lok sik tsik tâu nhav nhiax thêv. Kriz cêr yiaz, tox trôngz siaz kil txiar; cêr uô tâu kênhz, qơư ti, nxaz,  lax thâux chuôz tav lox uô nuv. Kriz cêr tuôx chuôs, cêr têz qơư  txos têx qơư tas ntâu six hơưv hnuz nhôngs; ntux nas ntêr hiav txos uô plơưr cêr thiaz thâuv têx zav cxiv puôz.

Câuk luk jâus uô nuv, đồng chí Chủ tịch UBPX tỉnh sâu nhav têx sir jok ntơưv tsưr cxiv tsa, têx nênhs ntiar,  xã Vân Hồ, Tô Múa thiaz têx đơn vị cik txos hâur lês dự án. Đồng chí Chủ tịch UBPX tỉnh cxiz cov tsưr cxiv tsa tror tsi njênhk qơư uô, côngv ntov đros têx sở, ngành, thax tsav thiaz nênhs ntiar chia đơưk têx chor nhov, khuôv đais zênhx max; côngv uô tu cov tas têx qơư tsik tiar yêv qơư đo, yax hlo mak têx qơư siz nzuôs, yar nquôr khâuz nhaz por tsêr, cêr têz qơư. Zênhx max uô tiar hồ sơ kho đuô kriz đar cêr yêz muk chênhr Hòa Bình - Mộc Châu txix 2 sênhv cêr ndê 4 sênhv cêr. Têx nênhs ntiar tsuv gruô hu tas tiz nênhs, máy móc, kriz uô cov fiv huv, huôk njôngr têx hnuz tâu ntux, uô nzir, chok nxiak uô tiar li tuôr xav, jông, nhaz xênhz uô thiaz tsưx tâu qơư nyiaz hur, sir jos uô tiar têx cêr chiv xav li tưz tso tơưv.