Ntơưv huyện Thuận Châu, đồng chí Chủ tịch UBPX tỉnh thiaz paz nênhs muk tưz cxênhz têx zav mas hiav puôk ntơưv jok Phé, xã Tông Cọ. Đồng chí Hoàng Quốc Khánh tưz uô jông nus saiz shuôk thiaz kênh têx mas hiav tiv ntux nas hiav txos trâu cxuô ziv nênhs tưz mas hiav, tok nrư têx ziv nênhs nzor truôx njês ntu nênhx, cêr uô kôngz. Hlôngr njês muôs paz côngz xưv, đồng chí Chủ tịch UBPX tỉnh tưz puz huv, paz jê 40 ziv nênhs mas hiav, iz ziv 1 triệu đaiv nhiax.

Fuô luk chox car ntơưv jâus uô hâux lưv đros thơưx car huyện Thuận Châu thiaz têx nênhs tâu chai, đồng chí Hoàng Quốc Khánh cxiz cov zuôr tsuv cxiz nênhs hur si zok nriar, paz têx pêx xênhv cov truôx njês ntu nênhx.

Ntơưv huyện Mường La thiaz thành phố Sơn La, đồng chí Hoàng Quốc Khánh cxiz cov thơưx car thax tsav no tsik tsês chox car côngz xưv txar pêx xênhv thiaz chuôz tav muk trâu qơư nhaz xênhz; xav hur si têx zav mas puôk tsuôx. Ndo njôngr sox ntov ntux nas, zênhx max kria trâu pêx xênhv cov chênhz phax. Đros ntơư, fuô kria, zaz zâuv pêx xênhv ndo njôngr phax tar ntux nas hiav, txo cov tsơưs yax têx zav ntux hiav. Đồng chí Chủ tịch UBPX tỉnh tưz haik tiak, têx thax tsav zuôr tsuv muôx tsưr ziv paz pêx xênhv lok sâuv kar nox cov nzor truôx njês ntu nênhx nhoz.