Tiv zos muôx coz nas shơư chuô số 2 ruôr hiav, txix hmo 23 thiaz sơưr nzor hnuz 24/7, huyện Mai Sơn tưz lok nas hloz, hiav tuôx nênhs thiaz têz qơưk, pêx xênhv têx chuôz tav.

Lar haik li, ntơưv xã Chiềng Nơi, coz nas hloz tưz uô trâu 6 lênhx nhoz jok Hua Pư thiaz jok Pá Hốc, xã Chiềng Nơi tuôs thiaz plox tsik pov; uô piav pêx xênhv nhoz 12 xã 131 luz tsêr; hâur ntơư, 5 luz tsêr vâu tas hur si, 22 luz tsêr ar poz cxuz thiaz 104 luz tsêr đêx nhaz. Tsik tas li, coz nas tsênhv uô hiav ntâu txox cêr tox poz, cuôr, nhaz pêx xênhv iz cxia xã kôngz lông thiaz vax tsêr…

Tov kaz muk cxênhz yuôx, đồng chí Chủ tịch UBPX tỉnh cxiz cov huyện Mai Sơn gruô hu tiz nênhs zênhx max đơưk têx cêr phiv liv tiv ntux nas hiav; muk shuôk, ntuôk têx ziv nênhs mas ruôr hiav lok sâuv tiz nênhs thiaz chuôz tav; tror jor trơưr hâur yênhx hnuz cxuô hmo, sox njôngr ntux nas, bax nênhs car jor trơưr chox car tu cêr chor nhov zos pov yưv ntux nas hloz; lês jông côngz xưv paz chơưv, đơưk têx cêr phiv liv viv ntux ruôr hiav, chia por hưv pêx xênhv luz nênhx truôx njês, tror huôv tsar kôngz lông, por hưv đêx ar huôz chuô nyiaz hur….