Tiv coz nas shơư chuô số 2 ruôr hiav, hâur thax tsav xã Chiềng Đen tưz pov ar poz cxuz thiaz đêx nhaz. Nhiv no, 50 ziv nênhs nhoz têx jok Phiêng Nghè, Nạm Niệu thiaz thax tsav muôx pêx xênhv nhoz chôngz Bôm Nam, jok Nam Giáng, tsênhv taz tov mas đêx nhaz. Cias tov kaz coz nas muk đhâu, xã Chiềng Đen tưz gruô hu “4 cias ntơưv qơư” paz pêx xênhv yêv chuôz tav muk nhoz đuô kror qơư; Ban CHQS thiaz Công an Thành phố tưz bax tiz nênhs côngv muk paz têx ziv nênhs yêv chuôz tav, đơưk cêr phiv liv tiv ntux nas hiav hâur thax tsav. Nhiv no, têx ziv nênhs mas đêx nhaz, ar poz cxuz tưz mul đros têx xênhz jê nhoz thiaz nhoz ntơưv tsêr txux chi têx jok nhoz puôz.

Đhâu cxênhz, đồng chí Hoàng Quốc Khánh cxiz cov UBPX Thành phố tov kaz đêx grik, cxênhz yuôx têx kror tsuô tso đêx, thoz huk thiaz đhos chuôz zênhx tir thair khâuz nhaz; tsov xav luz kror tso đêx cêr muôx liv, nhav nxiak tso tâu đêx ntưk muk đhâu thiaz tir tar đêx nhaz cov tâu jông. Đros ntơư, fuô lês têx tsưr ziv tir tar caz moz cik, por hưv đêx ar huôz chuô nyiaz hur, pêx xênhv đas jos; paz cxur nox, đêx hâuk trâu pêx xênhv mas ruôr hiav, nzor cxiv tsa luz nênhx truôx njês tov kaz coz nas muk đhâu. Lar haik qơư đêx nhaz thax tsav muôx pêx xênhz nhoz chôngz Bôm Nam, jok Nam Giáng, muôx tsưr ziv yaik pêx xênhv muk nhoz đuô kror qơư, paz têx ziv nênhs nriar kuô tsêr yiaz nhaz xênhz, tir tar đêx nhaz. Tror sox njôngr ntov nti xor mông ntux yar ntux nas, bax jông tsưr ziv “4 cias ntơưv qơư” chia yêv tiz nênhs thiaz chuôz tav muk nhoz đêz têx qơư nziv đêx nhaz, ar poz cxuz.