Đros mul muôx đồng chí Lưu Minh Quân, Ủy viên Ban Thường vụ Tỉnh ủy, Thơưx ban Dân vận Tỉnh ủy; nov hâu iz cxia sở, ban, ngành ntơưv tỉnh thiaz huyện Sốp Cộp.

Paz côngz xưv tưz mul shuôk pêx xênhv jol Kéo Vai, xã Nậm Lạnh, cán bộ, chiến sỹ lês hâux lưv ntơưv Trôngx lôngs zâu Nậm Lạnh thiaz đros têx Zênhx đriv têz Nậm Lạnh, Mường Lạn, Mường Lèo uô hâux lưv. Hâur ntu đhâu, hâux lưv por hưv cêr nox nhoz njias to thax tsav đriv têz, por hưv cêr nox nhoz njias to chính trị, tsưx truôx cêr uô nênhx nhaz xênhz thax tsav huyện; têx ndêx chiv đriv têz thiaz têx cêr nhoz thax tsav đriv têz tâu saiz car, por hưv. Pêx xênhv njênhs trâu cấp ủy, nov hâu, moz siaz huôv tsar nhiax txiax puôk tsar zav.

Cxuô zênhx đriv têz tưz đros nov hâu thax tsav uô jông côngz xưv fuô kria Đảng, têz qơưk têx cêr chai txos pêx xênhv. Tsưx truôx nênhs jor trơưr, uô jông hâux lưv saiz car, por hưv đriv têz, thax tsav; lês jông cxuô faz tsưr ziv, phax tar ntux nas hiav, nriar chơưv tiz nênhs. Đros cxiv tsa ndêx ntus chính trị ntơưv nhiak qơư nhoz; paz pêx xênhv huôv tsar nhiax txiax, xã hội. Tsik tsês siz nus têx xor mông đros têx nênhs saiz car đriv têz, ndêx chiv đriv têz ntơưv têz qơưk Lok Tsuôk, lês jông hâux lưv saiz car cêr đriv têz, ndêx chiv đriv têz.

Muôx lul trâu jâus uô hâux lưv, đồng chí Hoàng Quốc Khánh cxiz huyện thiaz têx zênhx đriv têz tror uô jông côngz xưv đros oz chas têz qơưk siz trâus jông; uô jông hâux lưv đros têx đơn vị muôx vax huôv, uô jông hâux lưv phax tar, cxênhz sox thax tsav đriv têz. Đros cấp ủy, nov hâu thax tsav lês jông côngz xưv plias pêx xênhv, paz cxơưz pêx xênhv luz nênhx, paz pêx xênhv huôv tsar nhiax, txux chi, xã hội.