Đros trâu cêr lov jêv, shir phaz lus hâur Hnuz grâuv pax tas nro pêx xênhv thôngx siaz, đồng chí Chủ tịch UBPX tỉnh đros têx đại biểu thiaz pêx xênhv jok Mường Bú tưz yaz đuô cênhz cưv 93 shông Hnuz tsa tâu Mặt trận dân tộc thống nhất Việt Nam (18/11/1930 - 18/11/2023); MTTQ Việt Nam qơư sơưr hâur xưv cxênhz cxiv tsa têz qơưk nhiv no; hâux lưv lês têx jias zaz zâuv, cêr siz tưr nhiav têz, nhiav qơư thiaz gruô hu têx cêr siz tưr hâur jok shông 2023.

Jok Mường Bú nhiv no muôx 150 zis đros trâu 2 hair nênhs Poz Ziz, Choz Tsiz nhoz uô cê. Têx shông đhâu, Ban lês côngz xưv mặt trận tưz siz chos đros têx paz pơưs đoàn thể saiz hloz pêx xênhv uô nênhx thôngx siaz zos luz jos lox chia lês têx cêr siz tưr nhiav têz, nhiav qơư, cuz siaz sik tưr huôv tsar nhiax txiax, xã hội; pêx xênhv moz siaz cxiv tsa jêx jok, paz têx nênhs txov nhêv hla đhâu cêr phiv liv. Hâur shông, jok tưz zaz zâuv pêx xênhv côngv nhiax chaz tâu 1.800 thiar xor điện pov cêr jêx jok; chos pax oz saz ntus txox cêr 116 ntêr 800 thiar; uô cêr yêz jêx jok xav tas 200 triệu đaiv; moz siaz hlôngr nôngz kôngz yiaz tsêz chos, tơưv đhâu cêr yaiz pluôs truôx njês. Jok muôx 131 zis txâuk chai zis nênhs muôx txux chi, hâur ntơư, 87 zis tâu zis nênhs muôx txux chi 3 shông siz lơưr lias, muôx 8 zis tâu côngz muôx txux chi trâu sơưr đơưk cơưv shâuv. 

Muôx luk ntơưv jias grâuv pax, đồng chí Hoàng Quốc Khánh cxiz cov jok Mường Bú tror saiz hloz pêx xênhv cêr siz thôngx siaz, moz siaz côngv trâu têx jias zaz zâuv, têx cêr siz tưr zos cxuô cấp, ngành gruô hu, lês hâux lưv huôv tsar nhiax txiax - xã hội; zaz zâuv pêx xênhv hlôngr nôngz kôngz yiaz tsêz chos, tu zus tsiax trơưk faz siz khov đros trâu kra kruôr, tsuôv cuô, tsưx tsês thiaz muôs hax huv; sir jos uô tiar têx chỉ tiêu cxiv tsa jêx jok yiaz, jêx jok yiaz trâu sơưr đơưk cơưv shâuv, por hưv njias to thax tsav, cxơưz paz pêx xênhv luz nênhx tâu jông đuô... 

Ndax jias no, đồng chí Hoàng Quốc Khánh tưz krưr huv trâu jok Mường Bú thiaz côngv têx txux chi, sênhr chêr, thể thao đros pêx xênhv hâur jok.