Đồng chí Bí thư Tỉnh ủy thiaz paz côngz xưv tưz mul cxênhz yuôx dự án muôz nhiax cxiv puôz tsêr uô côngz xưv têx cơ quan chính trị - hành chính huyện Mai Sơn. Dự án cxiv puôz luz tsêr muôx 5 yôngx thiaz 1 yôngx kỹ thuật, xav đar 4.443 thiar xưv phaz; xav hur si têx yôngx đar yax 10.500 thiar xưv phaz. Txos nhiv no, têx tuz luôv tâu ntiar uô tưz lês tiar 40% hâux lưv hâur dự án. 

Lok sâuv dự án kriz cêr muk lok txix tiểu khu 26/3, xã Cò Nòi txos tiểu khu 10, xã Hát Lót. Xav hur si txox cêr đêz zuôr luôs 9 cai, tâu phaiz uô 4 txox. Txos nhiv no, tưz lês tiar hâux lưv thêv nhiax ar, shôngz ntông thiaz yaik 237/566 ziv nênhs, tus khênhx nhoz trâu qơư yiaz; xav hur si yax 70 tiv nhiax, zok trâu đơn vị uô yax 5 caik. Nhiv no, đơn vị uô taz tov bax chuôz zênhx, tiz nênhs khơưz, huk cêr uô plơưr cêr; cxiv puôz cưx đêx trâu oz saz ntus cêr.

Đồng chí Bí thư Tỉnh ủy cxiz cov huyện Mai Sơn thiaz têx đơn vị uô, zênhx max yêv tas têx ziv nênhs nhoz hâur thax tsav cêr đhâu cov mul nhoz đuô kror qơư, chia zok ar trâu đơn vị uô têx dự án; moz siaz saiz car têx ar, saiz hloz pêx xênhv jêx jok hâux lưv cxênhz yuôx têx dự án.