Ntơưv jias uô hâux lưv, thơưx car Báo Sơn La tưz kria têx hâux lưv lês tâu thiaz côngz xưv bax trâu Jias saiz hloz 60 shông Hnuz tsa yênhx Báo Sơn La (3/1/1964-3/1/2024). Hla đhâu yênhx ntu lês hâux lưv, cxuô lênhx uô hâux lưv Báo Sơn La zênhv hnuz zênhv lês tâu jông, muôx pênhr xưv chính trị, muôx chưx pưv jông, tsik tsês cơưv shâuv, hlôngr yiaz. Lês tiar têx hâux lưv tâu zok.

Hli 11/2023, tso tơưv Báo Sơn La điện tử thiaz têx kror fuô mông zos ntơưr lul Anh, ntơưr Poz Ziz, ntơưr Hmôngz. Đros trâu muôz nhiax zuôr ntâu chuôz zênhx yiaz jông, đros trâu kriz têx ntu li: “Mông cxuô zav”; “Ndêx ntus”; “Nhiax txiax”; “Đros oz chas têz siz khov”; “Xã hội”; “Txux chi – Nuôv zax”; “Kria mông”, “Cử tri ndâux luk khov”, “Xor mông hâur thax tsav”. Đros trâu ntâu zav tso tơưv, li “Video”, “Emagazine-Iforgraphic”; “Radio”..., tưz muôx kror jông ntơưv đraiv ntơưr báo Sơn La điện tử. Têx mông tâu tso 24/7; têx hâux lưv chính trị, tso tâu têx mông lok six sai, zos, tâu chôngz lênhx nhiav. Báo Điện tử Sơn La tưz gruô hu tâu chôngz lênhx nênhs nhênhv ntơưr kriz chia nhênhv. Báo Sơn La trơưk chaix nhiv no luôv 4 zav txix faz 1 thiaz 8, đros trâu hur yax 6.300 đaiv/jâus tso tơưv.

Muôx luk ntơưv jias uô hâux lưv, đồng chí Bí thư Tỉnh ủy tưz kruôk têx hâux lưv lês tâu ntơưv Báo Sơn La hâur ntu dhâu. Đồng chí Bí thư Tỉnh ủy haik mênhx: Báo Sơn La zuôr tsuv nthuôr huôv jông têx hâux lưv lês tâu hâur 60 shông cxiv tsa thiaz huôv tsar, nthuôr huôv jông cêr thôngx siaz; moz siaz cơưv shâuv thiaz zôngs trơưk siaz xav, chưx pưv Hồ Chí Minh; lês jông cêr chai vax huôv siz txis, lês tiar hâux lưv chính trị tâu zok. Moz siaz kria nzir tsưr ziv lês hâux lưv, chưx pưv trâu têx cán bộ, tuz sâu xor, kỹ thuật viên, biên tập viên hâur cơ quan. Lês trơưk đraiv têx hâux lưv chính trị ntơưv thax tsav chia fuô kria zênhx max, muôx liv; moz siaz muk trâu cxuô thax tsav, kria têx qơư lês tâu hâux lưv jông, tsưr ziv yiaz. Moz siaz tir tar têx zav tsik jông ntơưv đaiv báo Đảng, kria txos cxuô zav, cxơưz paz trâu hur si têx nênhs hâur xã hội. Nthuôr huôv jông têx zav muôx txơưv ntơưv Báo Sơn La điện tử, tsik tsês kria zos, chia đros Đảng bộ, nov hâu thiaz pêx xênhv cxuô hair nênhs tỉnh lês tiar hâux lưv cxiv tsa tỉnh Sơn La huôv tsar njuôz, sai thiaz truôx njês.