Đồng chí Bí thư Tỉnh ủy tưz muk cxênhz yuôx côngz xưv bax têx uz no tok paz  đại biểu Trung ương tuôx shuôk thax tsav chos cà phê ntơưv jok Hoàng Văn Thụ, xã Hua La, Thành phố, cux zos kror qơư tsov xav kriz phênhv tưr đê txir hâur Jias tưr Tuz kôngz siz tưr txơưx tu cà phê.

Uô kaz ntơư, Paz côngz xưv tsênhv muk cxênhz yuôx côngz xưv bax kriz jias công nhav uô tiar muôz lok sir zôngv Tsêr mair jov jông cà phê ntơưv Công ty cổ phần tu jông cà phê Sơn La nhoz xã Mường Bon, huyện Mai Sơn. Tsêr mair zuôr luôv tơưr tâu 50.000 tấn txir cà phê nhôngk/shông (bâuv li 12.500 tấn nôngz cà phê/shông). Dự án tâu uô trâu thax tsav đar 40.178 thiar xưv phaz, muôx têx zav li: Tsêr chox car; tsêr jov cà phê; tsêr tsês hmôngr cà phê; tsêr liv đêx kiak nênhs; yar tiax jiaz cà phê thiaz têx zav txơưr.

Txos nhiv no, Công ty tưz lês tiar côngz xưv cxưx nhiax cxiv puôz, đhos chuôz zênhx jov siv thiaz cxiv kho têx chuôz zênhx jov cà phê. Chuôz zênhx jov cà phê tưz txâuk chai chia jov cà phê trơưk cêr tuôr xav.

Đồng chí Nguyễn Hữu Đông, Bí thư Tỉnh ủy cxiz cov Ban kriz jias Grâuv pax Cà phê chox car têx thành viên đros têx huyện, thành phố lês tiar hâux lưv tâu zok. Tror cxênhz yuôx, lês jông têx tsưr ziv tso tơưv, nhav nxiak jâus Grâuv pax tâu kriz zos li tuôr xav, muôx txiax njis, tsik tuôr xuôv nhiax, muôx ntâu kror qơư pâuz txos. Cxiz cov Công ty cổ phần luôv tơưr Jov Cà phê Sơn La cxiv tsa tsưr ziv lês mênhx pêv chia kriz jias công nhav uô tiar muôz lok sir zôngv cov liv.