Taz Đại sứ thiaz Paz côngz xưv, tỉnh Sơn La muôx đồng chí Hoàng Quốc Khánh, Phó Bí thư Tỉnh ủy, Chủ tịch UBPX tỉnh; thơưx car iz cxia sở, ngành ntơưv tỉnh.

Ntơưv jâus taz, đồng chí Chủ tịch UBPX tỉnh Hoàng Quốc Khánh jông siaz tok zơưs Đại sứ đros Paz côngz xưv tưz tuôx shuôk, uô hâux lưv ntơưv Sơn La. Đros ntơư, kria iz cxia hâux lưv uô tâu jông lok sâuv chính trị, nhiax txiax - xã hội, tsưx hưv têz qơưk, njias to ntơưv tỉnh thiaz têx zav tâu paz côngz xưv moz siaz.

Đồng chí Chủ tịch UBPX tỉnh tok nrư hâur ntu zuôr txos tâu Ấn Độ têx cêr paz max, tsov xav muôz nhiax tuôx uô nox. Thâuv lês, tỉnh Sơn La chos luk côngv paz, lês zôngx ziv cxuô zav chia têx tuz luôv Ấn Độ muôz nhiax tuôx uô tơưv hax huv, uô luôv, paz yâu mông nuôv zax, muôx cêr siz khov zuôr, muôs kôngz, txir nox trâu luôs oz chas têz ntơưv tỉnh trâu cêr luôv Ấn Độ; paz tỉnh hâur cêr cxiv kho, kriz đar cêr siz khov đros têx nênhs paz cxơưz, tổ chức phi Chính phủ...

Hlôngr njêx muôs Paz côngz xưv, zơưs Sandeep Arya, Đại sứ hlôngr vax huôv têz qơưk  Cộng hoà Ấn Độ ntơưv Việt Nam uô tsâus txos đồng chí Chủ tịch UBPX tỉnh thiaz thơưx car têx sở, ngành ntơưv tỉnh uô jông tok, taz tok, saiz hloz thiaz tok nrư tâu ndis saiz, nus, siz trâus jông đuô cêr siz khov cxiv tsa ntơưv tỉnh Sơn La; yax hlo mak saz kôngz lông, muôs trâu oz chas têz qơưk, kriz khơưz côngr đruôz ar, cxiv puôz tsêr mair điện đêx…

Zơưs Đại sứ tưz chơư tỉnh Sơn La tso têx paz nênhs muk shuôk, cơưv shâuv tsưr ziv trâu têz qơưk Ấn Độ; nzor fuô lês têx dự án jêx jol lok sâuv choz kria ntơưr, txux chi. Ấn Độ zuôr paz trâu tỉnh lês têx dự án lok sâuv cxiv puôz yar cơưv ntơưr, tsêr kho moz, têx ntu choz kria, nhiax cơưv ntơưr; siz nus txux chi, nuôv zax; yâu mông, huôv tsar faz Yoga… paz bôngs cêr siz khov, siz trâus jông ntơưv Việt Nam - Ấn Độ zênhv hnuz zênhv muôx liv.