Taz Đại sứ thiaz Paz nov uô côngz xưv, tỉnh Sơn La muôx đồng chí Hoàng Quốc Khánh, Phó Bí thư Tỉnh ủy, Chủ tịch UBPX tỉnh; nov chox car iz cxia sở, ngành ntơưv tỉnh.

Ntơưv jias njiz, đồng chí Chủ tịch UBPX tỉnh Hoàng Quốc Khánh shir phaz lus taz Đại sứ đros paz nov uô côngz xưv tuôx shuôk, uô hâux lưv ntơưv Sơn La. Iz chas ntơư, cux piar kria têx hâux lưv lês tâu lok sâuv chính trị, nhiax txiax - xã hội, tsưx hưv cêr nhaz xênhz ntơưv tỉnh, têx hâux lưv Paz nov moz siaz thiaz phôngv côngz hmôngr cov jias tuôx shuôk, uô hâux lưv ntơưv tỉnh Sơn La zuôr txaik tâu txiax njis jông.

Đồng chí Chủ tịch UBPX tỉnh haik mênhx: Sơn La zos tỉnh muôx ntâu zav chia huôv tsar nhiax txiax thiaz  chia siaz Đại sứ zuôr pâuz mênhx trôngx têz tiz nênhs Sơn La thiaz muôx ntâu luôs hâux lưv, cxưx nhiax huôv tsar hâur ntu zuôr txos.

Hlôngr njêx muôs paz nênhs uô côngz xưv, zơưs Andrew Goledzinowski, Đại sứ đặc mệnh tuôr vax huôv Australia ntơưvViệt Nam uô tsâus  đồng chí Chủ tịch UBPX tỉnh thiaz nov chox car cxuô sở, ngành ntơưv tỉnh tưz taz shir phaz lus thiaz cux chia siaz zuôr tâu mus ndis uô si, siz khov chia cxưx nhiax uô nox ntơưv tỉnh lar haik yax mak kôngz lông, nuôv zax, khơưz têx zav côngr nhoz đruôz ar …, chuôz jos trâu cêr siz khov siz trâus jông Việt Nam - Australia zênhv hnuz zênhv truôx đuô.

Hâur jias tuôx shuôk thiaz uô hâux lưv ntơưv tỉnh Sơn La, Đại sứ đros nov uô côngz xưv tưz muk ndis shuôk kror Niken, jok Phúc thiaz iz ndis Tsêr máy liv  Niken Tạ Khoa, huyện Bắc Yên.