Ntu 2019-2024, cêr siz tưr lês cxuô luz luôs hâux lưv ntơưv LLVT huyện Yên Châu tưz tâu fuô lês txos cxuô qơư, muôx ntâu tsưr ziv lês tâu jông, lês đros trâu têx cêr siz tưr nhiav têz, nhiav qơư, têx jias zaz zâuv hâur thax tsav. Pov muôx ntâu têx paz pơưs, tus khênhx lês tâu hâux lưv jông. LLVT huyện puôr lênhx lês tiar têx cêr tuôr xav, tsưr ziv tso tơưv.

Hâur 5 shông, huyện tưz kriz 22 jias shâuv por hưv thax tsav cấp huyện, xã, shâuv tir tar uô hluôr toưk cuz har jôngr, zok nriar thiaz tir tar ntux nas, nriar chơưv tiz nênhs. Têx jias shâuv por hưv thax tsav xã tâu hov coz, sâuv por hưv thax tsav huyện shông 2021 tâu hov coz. Tưz kriz kria DQTV, DBĐV, 100% txâuk chai, nhaz xênhz lok sâuv riav, fov, chuôz zênhx. LLVT huyện tưz gruô hu yênhx cxênhz lưv cán bộ, chiến sĩ côngv phax tar caz moz Covid-19. Côngv paz nhiax viv nênhs pluôs, paz uô tsêr nhoz, phax tar moz Covid-19, muôz huv trâu têx hluôs nênhs muk por hưv têz qơưk, xav hur si tas yax 8 tỷ nhiax… 5 shông đhâu, huyện muôx 12 tus khênhx tâu Chủ tịch têz qơưk muôz Côngz mênhx Qix lês tiar cxuô luz luôs hâux lưv; 25 tus khênhx tâu muôz Côngz mênhx Chiến sĩ nto mông hov iz, oz, pêz; Bộ Tư lệnh Quân khu 2 muôz ntơưr kruôk trâu 2 paz pơưs thiaz 6 tus khênhx; UBPX tỉnh muôz qix đơn vị uô ntêx lông lês hâux lưv ntơưv LLVT shông 2021; muôz ntơưr kruôk trâu 10 paz pơưs, 26 tus khênhx; UBPX huyện muôz ntâu ntơưr kruôk trâu têx paz pơưs tus khênhx.

Ntu 2024-2029, huyện tror hlôngr yiaz tsưr ziv lês têx cêr siz tưr trơưk faz fiv huv. Moz siaz fuô kria lês têx cêr siz tưr tiz nênhs gruôs lês tâu hâux lưv jông; pov, kria nzir tsưr ziv thiaz kriz đar têx qơư lês tâu hâux lưv jông hâur lực lượng thường trực, dân quân tự vệ, dự bị động viên… cxơưz paz lês tiar hâux lưv quốc phòng, quân sự ntơưv thax tsav.