Côngv đại hội, muôx thơưx car Ủy ban MTTQ Việt Nam tỉnh; thơưx car huyện Yên Châu thiaz 152 đại biểu hlôngr njêx muôs trâu yax 83.000 lênhx pêx xênhv cxuô hair nênhs hâur huyện.

Ntu 2019-2024, Ủy ban MTTQ Việt Nam cxuô cấp huyện Yên Châu tưz đros nov hâu thiaz têx paz pơưs thành viên lês jông côngz xưv fuô kria Đảng, têz qơưk têx cêr chai, nthuôr huôv jông cêr thôngx siaz hur si cxuô hair nênhs.

Pêx xênhv moz siaz côngv lês têx jias zaz zâuv, cêr siz tưr nhiav têz, nhiav qơư; siz tưr cơưv shâuv, uô hâux lưv. Lês cêr siz tưr “Viv nênhs pluôs - Tsik chia lênhx tưs pôngz kaz”, cxuô shông, Ủy ban MTTQ Việt Nam huyện chox car gruô hu hli lês hâux lưv “Viv nênhs pluôs”. Hâur ntu đhâu, hur si huyện tưz gruô hu tâu yax 13 tỷ đaiv, paz uô 1.194 luz tsêr; gruô hu tâu yax 1,9 tỷ đồng Pênhr nhiax "Viv nênhs pluôs”, uô yiaz thiaz kho đuô 120 luz tsêr "Thôngx siaz" trâu zis pluôs. Têx paz pơưs thành viên tưz muôx ntâu hâux lưv paz têx đoàn viên, hội viên njiz cêr phiv liv, nênhs muôx moz, mê nhuôv njuôs hâur thax tsav.

Ủy ban MTTQ Việt Nam huyện đros Paz đại biểu Quốc hội tỉnh chox car kriz 5 jias njiz cử tri; đros đại biểu HĐPX tỉnh kriz 20 jias zuôr cử tri ndâux luk; kriz 520 jias đros đại biểu HĐPX huyện, xã, thị trấn thav, đros trâu yax 10.405 lưv cử tri côngv. Sâu mênhx 645 ndâux luk khov ntơưv pêx xênhv xa trâu têx cơ quan muôx vax huôv tso chai lês...

Iz chas ntơư, Ủy ban MTTQ Việt Nam huyện thiaz têx paz pơưs thành viên tưz gruô hu têx cán bộ, đoàn viên, hội viên thiaz pêx xênhv paz 243 triệu nhiax, cxok tâu 163 tus ndêx chia tso điện pov cêr jêx jok; cxiv puôz tâu 103 caik cêr jêx jok; jav 6.530 thiar xưv phaz ar, 4.689 hnuz jos chia cxiv puôz cxuô zav, huôv tsar nhiax txiax, paz zis pluôs, cxiv tsa tsêr txux chi, por hưv đêx ar, huôz chuô nyiaz hur…

Đros trâu njiaz luk “Thôngx siaz-Vax huôv siz txis-Lês ntov chai-Hôngr yiaz- Huôv tsar”, ntu 2024-2029, Ủy ban MTTQ Việt Nam huyện Yên Châu thiaz têx paz pơưs thành viên tror hlôngr yiaz njiaz luk, tsưr ziv lês hâux lưv cov fiv huv. Moz siaz gruô hu cxuô paz pơưs paz côngv Pênhr nhiax “Viv nênhs pluôs”, sir jos cov yax 50% têx tsêr luôv, HTX thax tsav huyện côngv paz; 100% Ủy ban MTTQ Việt Nam cxuô cấp hâur huyện chos luk lês jông hâux lưv siz khov txix li MTTQ đros HĐPX, UBPX thiaz têx đơn vị cik txos côngv cấp lês hâux lưv…

Đại hội tưz saz lax xair 58 đại biểu nhoz Ủy viên Ủy ban MTTQ Việt Nam huyện Yên Châu khóa 20, ntu 2024-2029; saz lax xair 15 đại biểu chính thức thiaz 2 đại biểu dự khuyết côngv trâu Đại hội đại biểu MTTQ Việt Nam tỉnh Sơn La jias tiv 12, ntu 2024-2029.

Ndax jias no, Chủ tịch UBPX huyện Yên Châu tưz muôz ntơưr kruôk trâu 10 pơưs, 6 tus khênhx; Ủy ban MTTQ Việt Nam huyện Yên Châu muôz ntơưr kruôk trâu 7 paz pơưs, 17 tus khênhx lês tâu jông côngz xưv mặt trận ntu 2019-2024.