Ntu đhâu, Ban Thường trực Ủy ban MTTQ Việt Nam huyện tưz kriz 1.710 jias đros đại biểu Quốc hội, đại biểu HĐPX cxuô cấp kriz zuôr pêx xênhv ndâux luk, muôx yax 65.000 lưv cử tri côngv, đros trâu 11.280 ndâux luk khov. Chox car 31 jias cxênhz yuôx; siz chos lês 55 jias cxênhz yuôx ntơưv HĐPX huyện thiaz têx ngành cik txos. Kriz 11 jias fuô kria, zaz zâuv “Hur si pêx xênhv thôngx siaz cxiv tsa jêx jok yiaz, đrôngs vav mênhx”. Chox car kriz yax 300 jias cơưv fuô kria têx chỉ thị, nghị quyết ntơưv Đảng, cêr chai têz qơưk, cêr tuôr xav huôv tsar nhiax txiax - xã hội ntơưv huyện trâu yax 18.000 lưv cán bộ, đoàn viên, hội viên thiaz pêx xênhv. Kriz 10 jias njiz njêx muôs, kria nzir tsưr ziv trâu têx nênhs tâu pêx xênhv njênhs thax tsav huyện. Lês jông côngz xưv đros 3 huyện nhoz puôz 2 tỉnh Hủa Phăn thiaz Luông Pha Bang (têz qơưk Lok Tsuôk) siz khov.

Txix shông 2020 txos nhiv no, tưz paz uô yiaz 510 luz tsêr thôngx saiz, hur si nhiax tas yax 30 tỷ đaiv. Cxuô shông, Ủy ban MTTQ Việt Nam huyện tưz muk shuôk têx zis pluôs, zis nênhs tâu chai paz, nênhs muôx côngz ndax jias tsiaz têz qơưk, hur si nhiax tas zuôr luôs 6 tỷ đaiv; cxơưz paz, phaiz yax 500 triệu đaiv trâu têx nênhs mas hiav.

Đros trâu njiaz luk “Thôngx siaz – Vax huôv siz txis – Hôngr yiaz – Huôv tsar”, ntu 2024 - 2029, MTTQ Việt Nam huyện tror nthuôr huôv cêr thôngx siaz cxuô hair nênhs lol sâuv cxiv tsa thiaz por hưv Têz qơưk. Cxuô shông, zaz zâuv cxuô tus khênhx, paz pơưs côngv pênhr nhiax “Viv nênhs pluôs” chia tror uô tsêr thôngx siaz; 100% zis pluôs tâu paz hâur têx jias grâuv pax, txos tsiaz; 100% Ủy ban MTTQ Việt Nam cxuô cấp hâur huyện lês hâux lưv hlôngr pâur số, sir zôngv công nghệ số, công nghệ thông tin chia lês hâux lưv mặt trận.

Đại hội tưz saz lax xair 55 đại biểu nhoz hâur Ủy viên Ủy ban MTTQ Việt Nam huyện khóa 5, ntu 2024-2029; saz lax xair 12 đại biểu chính thức thiaz 2 đại biểu dự khuyết côngv Đại hội đại biểu MTTQ Việt Nam tỉnh Sơn La khóa 12, ntu 2024-2029.

Ndax jias no, Chủ tịch UBPX huyện tưz muôz ntơưr kruôk trâu 5 paz pơưs, 7 tus khênhx; Ủy ban MTTQ Việt Nam huyện muôz ntơưr kruôk trâu 8 paz pơưs, 12 tus khênhx lês tâu jông côngz xưv mặt trận, ntu 2019 - 2024.