Sốp Cộp zos huyện đriv têz tsênhv lok six phiv liv ntơưv tỉnh, muôx 101 luz jok thiaz 2 thax qơư pêx xênhv nhoz; muôx 6 hair nênhs, hâur ntơư hair nênhs tsơưs txênhz yax 96%. Ntu 2019-2024, txix li nhiax muôz lês têx luôs hâux lưv têz qơưk ntơưv tỉnh, huyện tưz paz ntâu zav trâu thax tsav pêx xênhv hair nênhs tsơưs.

Hâur ntơư, uô tiar vax tsê, cêr puô tsar zav trâu thax tsav yêv pêx xênhv mas ntux hiav muk nhoz yiaz 3 Thax qơư ntơưv xã Mường Lạn, Púng Bánh; uô yiaz thiaz kho đuô yax 80 kror hâux lưv: cêr yêz, cưx lias, tok đêx hur trâu sơưr đơưk zôngv, chaz điện, tsêr cơưv ntơưr...

Txos nhiv no, hur si 8 luz xã puôr lênhx muôx cêr yêz txos đrôngs xã; yax 68% jok muôx cêr yêz txos jok tâu lênhv khor kho; yax 97% ziv pêx xênhv tâu zôngv điện têz qơưk; 99% ziv pêx xênhv tâu zôngv đêx hur; 100% xã tâu cxưx nhiax uô yar cơưv, tsêr kho moz jông chia paz trâu pêx xênhv. Yênhx cxênhz lưv ziv pêx xênhv pluôs, jê cêr pluôs tâu txaik nhiax sâu tsav liv kik lok uô nox, uô hâuk, uô lax luôv. Gruô hu têx sơưr đơưk côngv nhiax paz uô tsêr nhoz trâu 496 ziv pêx xênhv; têx ziv pluôs grik txix 40,38% (shông 2019) yuôr yax 30% (shông 2024).

Đại hội tưz tuôr xav iz cxia chai txix nhiv no txos shông 2029, ntơư mal: Sir jos cov xã Púng Bánh tâu côngz jêx jok yiaz; tiv tsôngv ziv pluôs grik 4-5%/shông; tiv tsôngv ziv uô nênhx tsiv txiax muôx txux chi nto 70%; muôx 1 luz xã, 12 luz jok tơưv đhâu cêr pluôs; 100% jok txov nhêv muôx cêr yêz khor kho...

Ban Dân tộc muôz ntơưr kruôk trâu têx tus khênhx lês tâu ntâu hâux lưv jông. Thơưx car huyện Sốp Cộp muôz ntơưr kruôk trâu têx paz nênhs lês tâu hâux lưv jông./.