Trơưk li tuôr xav, Mộc Châu cxiv tsa đrôngs njuôz, muôx jông cxuô tsar zav siz luôs, jông fiv, hlôngr yiaz; muôx txux chi, tox trôngz hâur pêk jông thiaz huôz chuô lax trôngz; huôv tsar truôx njês thiaz cxix cxuô. Zos đrôngs nuôv zax chuôs li têz qơưk; đrôngs huôv tsar nhiax txiax - xã hội ntơưv tỉnh; đrôngs uô tơưv, jov tsês thiaz hlôngr cêr uô kôngz lông jông trơưk faz tsưr ziv lês tsik tsês, fiv huv cêr nyiaz hur. Zos đrôngs đriv têz đros trâu huôv tsar nhiax txiax lax luôv trôngx lôngs đriv têz ntiax têz; muôx jông qơư, tsênhv chênhz lok sâuv tsưx hưv têz qơưk, njias to.

Huôv tsar têx qơư đrôngs lox Mộc Châu đros đraiv tsưx tsês, huôv tsar nux gri cêr uô kôngz lông, tox tsôngz jông txơưr, li: Har nhov, trôngz yuôx zêx, tox trôngz hâur pêk, jêx jok cênhz cưv. Đros ntơư, huôv tsar qơư đruôz đrôngs txix thax tsav oz thị trấn Mộc Châu, thị trấn Nông trường Mộc Châu thiaz đrôngs hlôngr yiaz, kriz đar thax tsav muôx têx xã: Phiêng Luông, Đông Sang, Mường Sang. Đuô li, huyện huôv tsar thax tsav saz đrâuv đros đraiv têx hâux lưv paz max, qơư chos shôngz ntông thiaz uô kôngz lông jông, huôv tsar nhiax txiax lax luôv Trôngx lôngs đriv têz ntiax têz Lóng Sập.

Têx qơư huôv tsar tâu phaiz yênhx têx thax tsav mênhx pêv, muôx: Phaiz thax tsav đrôngs (thax tsav đruôz đrôngs), đar li 15.872 ha. Zos thax tsav đrôngs hlôngr uô cê, thax tsav nhiax txiax chuôz jos huôv tsar đrôngs nuôv zax, lax luôv thiaz kôngz lông chuôz zênhx jông. Uô tiar têx zav jông saiz nhoz đruôz đrôngs trơưk faz jông fiv, uô tâu iz kror qơư đrôngs nuôv zax muôx txux jông. Tsa tơưv thax tsav por hưv qơư jông saiz kôngz lông txơưr hlo đros trôngz yuôx zêx, har nhov, vax txir nkhơưz kâuz, kaz jiz, txir đuôx ntơưv thax tsav thị trấn Nông trường Mộc Châu.

Xav li têx têz uô kôngz lông ndis thax tsav đruôz đrôngs (nhoz saz đrâuv đrôngs) đar li  49.299 ha, zos têx têz huôv tsar kôngz lông jông chuôz zênhx, huôv tsar huv kôngz lông zov chênhr trơưk faz nux gri, huôv tsar lax luôv-têx zav uz no, đros đraiv nuôv zax tox trôngz hâur pêk jông. Huôv tsar 2 đrôngs thax tsav zâu muôx têx thax tsav uô hâux lưv siz shơư chia paz max pêx xênhv nhoz đrôngs thiaz huôv tsar têx zav nuôv zax, chuôz jos tsa yênhx têx paz siz côngv dự án truôx trâu ntu nênhx tov kaz. Tsa tơưv thax tsav por hưv têx zav jông muôx qơư vax tsê jêx, jok cênhz cưv.

Phaiz thax tsav tox siaz đriv têz (nhoz saz đrâuv đrôngs), đar li 24.862 ha. Huôv tsar nhiax txiax lax luôv Trôngx lôngs đriv têz ntiax têz Lóng Sập đros trâu huôv tsar nhiax txiax shôngz, ntông, kôngz lông đrox tsuôs,  huôv tsar cxuô zav hax huv nuôv zax yiaz, ndis saiz,  xar pov, xar pâuz, pov têx kror jông. Tuôr xav têx xã trơưk qơư jêx jok yiaz , đros đraiv tsa yênhx têx đrôngs tsôngv nênhs , qơư paz cêr lax luôv trôngx lôngs đriv têz thiaz hlôngr xav cêr uô kôngz lông ntơưv zuk thax tsav.

Phaiz thax tsav trơưk ntus đêx lox sông Đà (nhoz saz đrâuv đrôngs), đar li 17.221 ha. Zos thax tsav por hưv thiaz huôv nzir nux gri têx zav tox trôngz hâur pêk đrox tsuôs, cxuô tsar zav thiaz thax tsav har jôngr por hưv ntus đêx sông Đà, thax tsav tox trôngz siaz; huôv tsar kôngz lông shôngz ntông tsiax đêx uô cê đros trâu nuôv zax pak đêx thiaz ntus đêx lox.

Hâux lưv tso chai Tuôr xav hur si đrôngs Mộc Châu yiaz tsuôk zos têx hâux lưv uô ntêx, chia tuôr xav yênhx cêr tsênhz mênhx thiaz huôv nzir txiax njis, lok sik khov muôx cêr paz max ntơưv têx cấp, têx ngành thiaz huôv nzir luz jos lox thôngx siaz ntơưv cấp ủy, nov hâu đros pêx xênhv thax tsav, siz côngv cxiv tsa lax trôngz Mộc Châu zênhv hnuz zênhv bluô nux jông jav./.