Trôngz Pha Đin tâu Bộ Txux chi, Thể thao thiaz Nuôv zax công nhav zos têz qơưk puôr fênhx trơưk Quyết định số 3087 hnuz 27/10/2020. Lês trơưk Quyết định số 3087, Thường trực Tỉnh ủy, Ban Thường vụ Tỉnh uỷ tưz chox car cxênhz yuôx tas nro thax tsav trôngz Pha Đin (thax ar Sơn La) thiaz tso tơưv cêr chai tsov xav Thax tsav puôr fênhx cênhz cưv txux chi trôngz Pha Đin, huyện Thuận Châu.

Trơưk tsov xav phaiz thax tsav, huyện Thuận Châu tưz moz siaz chox car cxiv tsa tsov xav hur si Tsêr ndo txiax njis têx nênhs tưz tas txox sia viv têz viv qơư ntơưv Thax tsav cênhz cưv - txux chi đaz kruô trôngz Pha Đin. Tsêr ndo txiax njis xav hur si đar 15.300 thiar xưv phaz, muôx thax hlơưr shaz, qơư chos shôngz ntông, cêr muk lok, yar yêz thiaz têx zav txơưr. Tuôr xav cxưx nhiax cxiv puôz têx kror li: Tsêr ndo txiax njis têx nênhs tưz tas txox siaz viv têz viv qơư thiaz têx hâux lưv txơưr li kuô tsêr, trôngx vas, thênhv ntair muk lok, yar tiax, faz nja tâu puôz poz jê jông gâux…Txix li nhiax têx paz nênhs, tus khênhx siaz jông côngv tâu.

Ntơưv jias no, Ủy ban MTTQ Việt Nam huyện Thuận Châu tưz gruô hu sơưr đơưk côngv nhiax chia uô Tsêr ndo txiax njis têx nênhs tưz tas txo sia viv têz viv qơư ntơưv Thax tsav cênhz cưv - txux chi trôngz Pha Đin. Gruô hu têx cơ quan, đơn vị, tsêr luôv, paz pơưs, tus khênhx, têx nênhs siaz jông hâur tỉnh thiaz oz chas tỉnh, pêx xênhv cxuô hair nênhs huyện Thuận Châu têx mê nhuôv taz tov nhoz, uô côngz xưv hâur huyện, oz chas huyện côngv nhiax uô, côngv đas jos, chuôz zênhx, ntâuz ntơưr chia cxiv puôz cov tiar Tsêr ndo txiax njis têx nênhs tưz tas txo sia viv têz viv qơư ntơưv Thax tsav cênhz cưv - txux chi trôngz Pha Đin.

Hâux lưv cxiv puôz Tsêr ndo txiax njis têx nênhs tưz tas txo sia viv têz viv qơư ntơưv Thax tsav cênhz cưv - txux chi trôngz Pha Đin chia cxiv tsa yênhx kror qơư choz kria cênhz cưv uô têz uô qơư trâu fâuv hluôk thiaz ntu nênhx tov kaz đros pâuz thiaz côngv por hưv jông.