Tê đơn vị tưz krưr 160 hnaz huv, 160 hnaz graix buô trâu têx ziv nênhs muôx luz nênhx tsov nhêv, muôx côngz hâur thax tsav xã Chiềng Khương; 49 hnaz huv trâu ziv nênhs muôx côngz, nênhs tâu pêx xênhv njênhs, nênhs lês jông côngz xưv tưx saiz car đriv têz, ndêx chiv đriv têz; yax 100 poz nhiax cơưv ntơưr, hnaz huv trâu shuv xênhz tâu nhav tu zus, shuv shênhz pluôs sir jos hla đhâu cêr txov nhêv cơưv txơưx, cơưv coz; 10 luz yêz câur trâu shuv xênhz muôx luz nênhx txov nhêv; 10 hnaz huv trâu ziv nênhs muôx luz nênhx txov nhêv nhoz jok Đán, huyện Mường Ét, têz qơưk Lok Tsuôk; puz qix Têz qơưk, đuôz Zơưv Hloz Hôx trâu 21 luz jok hâur xã Chiềng Khương; côngz nhav muôz lok sir zôngv txox cêr đriv têz tơưk tênhz pov cêr.

Cxiax cxênhv tsênhv nthuôr têx qar tsêr huv “Tsik tas nhiax zuôr”, đros trâu muôx ntâu chuôz zênhv tuôv txênhv zov chênhr paz trâu têx ziv nênhs muôx luz nênhx txov nhêv, muôx côngz hâur thax tsav têx xã đriv têz huyện Sông Mã; kria pâuz, njuôk moz kror muôs thiaz puz đơưz yuôx nox. Xav hur si cxiax cxênhv tsiv nhos yax 1,1 tiv nhiax. Tsik tas li, cxiax cxênhv tsênhv nthuôr têx hâux lưv tưr krưr nduôr txâuv puôz, por poz, njuôk jos, truz hluô…, paz pêx xênhv tâu uô si lov jov ntưk.