Ban kriz lês jâus tưr tưz nhav tâu 36 kror tsưr ziv hâur ntâu faz ntơưv 74 tus xav thiaz côngv xav nhoz 36 cơ quan, đơn vị hâur tỉnh. Ban kriz lês tưz fuô quyết định côngk nhav 22 kror tsưr ziv muôx zênhx, li: 2 zênhx tiv iz trâu faz “Sir zôngv khôngl lôngk truôx khor iz chas  FESSA kho lor cxa ndêx puôz ntus thâuv tsik muôx cxa tuôr saz hâur ntơưv tsêr Kho moz Đa khoa tỉnh Sơn La” thiaz tsưr ziv “Txuôk cxuô faz hâur pâuk tsưs lês xa đuôz pov njôngr txix chuôz zênhx smartphone”; muôz 3 zênhx tiv oz; 5 zênhx tiv pêz thiaz 12 zênhx cxơưz jos trâu têx nênhs xav, paz nênhs xav tâu zênhx. Xair tsov 10 faz tsưr ziv gruôv muk tưr Jâus tưr Xav tơưv tsưr ziv têz qơư jâus tiv 18 (shông 2024 - 2025).

Fuô luk ntơưv jâus cxênhz hur si, đồng chí Nguyễn Thành Công cxiz cov têx cấp, têx ngành tsik tsês sir jos siz tưr uô nuv xav tơưv muk toz đar, tsênhz mênhx, muôx liv. Têx nênhs xav, paz nênhs xav tror tsov xav, xav tơưv têx faz jông, tsưr ziv toz, muôx nux gri txơưx fiv thiaz tsênhz mênhx muôx liv siaz. Côngv trâu têx tsưr ziv hâur cêr huôv tsar saz kôngz lông, uô tơưv têx huv jông muôs trâu luôs têz qơư; huôv tsar têx tsưr ziv toz lok sâuv yuôx njuôz thiaz têx faz huôv nzir nux gri têx zav tror uô đuô tâu chia paz max ntu nênhx. 

Ndax jâus no, UBPX tỉnh puz ntơưr kruôk 2 paz nênhs xav tâu zênhx tiz iz; Liên đoàn Lao động tỉnh puz ntơưr kruôk trâu 1 paz nênhs xav thiaz 2 tus xav zênhx tiv oz; Tỉnh đoàn puz ntơưr kruôk trâu 3 tus nênhs xav, paz nênhs xav zênhx tiv pêz. Hội Cxơưz cơưv ntơưr tỉnh  puz ntơưr kruôk trâu 5 tus xav, paz nênhs xav zênhx tiv pêz. Ban kriz lês jâus tưr puz ntơưr kruôk 5 paz  thiaz 5 tus khênhx muôx hâux lưv jông hâur jâus tưr.

Cux zos ntơưv jâus no, Ban kriz lês tưz tso luk gruô hu Jâus tưr Xav tơưv tsưr ziv tỉnh Sơn La jâus tiv 10, shông 2026.