Txuv jias cơưv muôx têx đồng chí hâur Ban Bí thư Trung ương Đoàn; thơưx car têx ban, đơn vị Trung ương Đoàn; nênhs hlôngr njêx muôs têx tỉnh, thành đoàn, zos đoàn saiz car.   

Tov kaz 3 hli fuô lês, hluôs nênhs tưx zênhv mul paz uô hâux lưv hâur chaix ntux sor shông 2023 tâu huôv tsar đêz đar trâu cxuô kror qơư, lês tâu jông, nhaz xênhz, truôx njês, tâu sơưr đơưk kruôk nxiak. 11 cêr tuôr tso tơưv hâur Jias hluôs nênhs tưx zênhv mul paz uô hâux lưv hâur chaix ntux sor shông 2023 puôr lênhx tâu lês tiar zos cêr tuôr xav. Iz hâur têx hâux lưv yiaz lol sâuv lês trơưk Jias hluôs nênhs tưx zênhv lês jông hâux lưv shông no mak têx hâux lưv đoàn tưz tsik tsês fuô lês tsưr ziv “3 siz chos côngv lês” (tsôngv pêx xênhv siz chos lês, thax tsav siz chos uô, jêx jok siz chos uô). Hur si đoàn tưz tsa tâu 67.827 paz nênhs muôx yax 6,5 triệu lênhx hluôs nênhs lês tiar 647 hâux lưv hluôs nênhs cấp tỉnh, xav yax 100 tỷ nhiax; 4.975 hâux lưv hluôs nênhs cấp huyện tsiv nhos zuôr luôs 143 tỷ nhiax; 55.804 kror hâux lưv hluôs nênhs cấp cơ sở, xav tas yax 210 tỷ nhiax…

Fuô luk hâur jâus cơưv, đồng chí Bùi Quang Huy haik mênhx: Đhâu jias no tưz zaz zâuv ntâu lênhx hluôs nênhs uô ntêx lông tưx zênhv mul paz hâux lưv huôv tsar nhiax txiax- xã hội, tu tiar têx cêr chor nhov sơưr đơưk moz siaz txos; cxiv tsa jêx jok yiaz, đrôngs vav mênhx; tsưx truôx thax tsav nhoz njias to, lar haik têx thax tsav txov nhêv, nhoz tox siaz, đêz đrôngs, đriv têz, por trôngz, thax tsav hair nênhs tsơưs, cêr đaz kruô. Đros ntơư, tsênhv cxiz cov têx tỉnh, thành đoàn moz siaz fuô txos têx hâux lưv lês truôx njês lol sâuv fuô lês têx tsưr ziv, hâux lưv tưx zênhv uô; tror tsik so hlôngr pâur số trâu hâux lưv tưx zênhv uô zuôr zos qơư chuôz zov chênhr paz hlôngr yiaz tsưr ziv tưx zênhv uô ntơưv tổ chức Đoàn, têx hâux lưv muôz lok lês tsuv tsi njênhk luz nênhx thiaz fiv huv iz cxia hluôs nênhs đas jos thiaz tsưr ziv.

Ban Chấp hành Trung ương Đoàn puz ntơưr kruôk trâu 29 paz pơưs thiaz 8 tus khênhx lês jông têx hâux lưv hâur Jias hluôs nênhs tưx zênhv mul paz lês hâux lưv jông hâur chaix ntux sor shông 2023.