Txuv jâus cơưv muôx thơưx car têx vụ ntơưv Ban Tổ chức Trung ương; Thường trực Tỉnh ủy, Ban Tổ chức tỉnh ủy, thành ủy 14 tỉnh, thành phố thax tsav kâuv Têz.

Muôx luk ntơưv jâus cơưv, đồng chí Bí thư Tỉnh ủy Sơn La tưz kria iz cxia hâux lưv uô tâu jông ntơưv tỉnh hâur têx hâux lưv huôv tsar nhiax txiax- xã hội, côngz xưv por hưv têz qơưk, njias to, ntâuk jông fôngx zưs luôs oz chas têz; côngz xưv cxiv kho Đảng, kho nzir ndêx ntus chính trị hâur ntu đhâu. Đồng chí haik tiak: Têx shông đhâu, Ban Thường vụ Tỉnh ủy, Ban Chấp hành Đảng bộ tỉnh Sơn La tsik so côngv chox car lês ntov, tias siaz, siz luôs têx cêr xav ntơưv Trung ương lok sâuv côngz xưv kriz cxiv kho Đảng. Jâus cơưv tâu kriz ntơưv Sơn La zos jâus chia tỉnh tâu siz njiz, khov ndâux luk chox car, kria ntơưv têx đồng chí thơưx car Ban, têx vụ, cục ntơưv Ban Tổ chức Trung ương. Đros ntơư cux zos jâus chia thơưx car tỉnh, thơưx car Ban Tổ chức 14 Tỉnh ủy, thành ủy hâur thax tsav siz nus, siz kria têx tsưr ziv lês tâu jông, txơưx fiv, chia lês jông đuô cêr taix khov, hâux lưv ntơưv ngành Kriz cxiv kho Đảng.

6 hli hâu shông 2024, Ban Tổ chức têx Tỉnh ủy, thành ủy thax tsav kâuv Têz đros hur si ngành Tổ chức cxiv kho Đảng tưz huôv nzir phênhv shuôv, uô tiar jông têx hâux lưv chính trị tâu zok. Yax hlo mak ndo njôngr cxiv tsa, fuô lês cxiax cxênhv, cêr tuôr xav côngz xưv shông 2024 chok nxiak tâu jông, huv hnuz nhôngs; saz lax trâu Ban Chấp hành, Ban Thường vụ cxiv kho thiaz tso tơưv 15 đề án, 3 nghị quyết, 49 cêr chai, 45 cêr tuôr xav; lês mênhx pêv têx nghị quyết, câuk luk ntơưv Trung ương lok sâuv côngz xưv Tổ chức cxiv kho Đảng.

Ndo njôngr saz lax côngz xưv bax uô đại hội đảng bộ têx cấp tok txos Đại hội 14 ntơưv Đảng; kria njuôk xav xair nênhs nhoz Ban Chấp hành Trung ương khóa 15 thiaz cxênhz yuôx, cxaz nzir cêr tuôr xav Ban chấp hành, ban thường vụ cấp ủy, têx tus xair uô thơưx chox car têx cấp, bax tiz nênhs đại hội đảng bộ têx cấp. Tsik tsês lês hlôngr qơư uô côngz xưv trâu cán bộ đros trâu tuôr xav Bí thư cấp ủy cấp huyện tsik zos nênhs nhoz txơưv, txos nhiv no, muôx 8/14 tỉnh, thành tưz tuôr xav 100% Bí thư cấp huyện tsik zos nênhs nhoz txơưv. Trâu siaz bôngs nzir, kho đuô cêr chox car lês hâux lưv ntơưv ban tổ chức cấp ủy, hlôngr yiaz tsưr ziv, chux pưv, cêr lês hâux lưv, tsik so lês côngz xưv cxênhz yuôx, sox njôngr lok sâuv Tổ chức cxiv kho Đảng...

Câuk luk jâus cơưv, Lưv thơưx Ban Tổ chức Trung ương sâu nhav thiaz kruôk txos kror hlôngr yiaz, sir jos ntơưv Ban Tổ chức têx Tỉnh ủy, thành ủy thax tsav kâuv Têz hâur cêr lês hâux lưv 6 hli hâu shông. Đros ntơư, cxiz cov Ban Tổ chức têx tỉnh ủy, thành ủy côngv saz lax uô tiar têx đề án, hâux lưv trơưk cxiax cxênhv côngz xưv shông 2024; tror saz lax têx njiaz luk bax uô đại hội đảng bộ têx cấp tok txos Đại hội 14 ntơưv Đảng; lês muôx txiax njis têx nghị quyết, câuk luk ntơưv Ban Chấp hành Trung ương khóa 13 lok sâuv côngz xưv Tổ chức cxiv kho Đảng; saz lax lês ntov nti têx kror hâur côngz xưv cán bộ; huôv nzir phênhv shuôv uô ntêx lông lês hâux lưv, cêr thôngx siaz, cxiv tsa ngành Tổ chức cxiv kho Đảng đơưz hur , truôx njês…