Jias cơưv muôx têx đồng chí: Nguyễn Đình Việt, Phó Bí thư Tỉnh ủy, Chủ tịch UBPX tỉnh; Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; têx đồng chí Ủy viên Ban Thường vụ Tỉnh ủy, nov chox car cxuô sở, ban, ngành ntơưv tỉnh, cxuô huyện, thành phố zos têx nênhs côngv lês hâux lưv hâur Ban Chox car.

Lês luôs hâux lưv, đề án paz uô tsêr trâu pêx xênhv txov nhêv nhoz hâur thax tsav tỉnh, shông 2024 thôngz tỉnh tưz paz uô tâu 1.156 luz tsêr trâu têx ziv pluôs, ziv jê cêr pluôs, tas yax 50 tỷ nhiax, hâur ntơư: 15 tỷ 300 triệu zos têz qơưk paz; nhiax sơưr đơưk côngv yax 35 tỷ 600 triệu. Tsar ntâu têx nhiax paz uô tsêr ntu 2020 - 2025, thôngz tỉnh paz tâu 8.878 ziv uô tâu tsêr nhoz, tas yax 418 tỷ nhiax.

Đhâu cxênhz, shông 2025, thôngz tỉnh tsênhv yuôr 3.259 ziv tsênhv zuôr tâu paz nhiax chia uô tsêr nhoz, hâur ntơư: 255 ziv zos têx nênhs muôx côngz trâu têz qơưk, liệt sĩ têx nênhs cxênhz jê; 113 ziv zos pêx xênhv hair nênhs tsơưs, ziv Choz Tsiz pluôs, jê cêr pluôs nhoz têx xã, jok tsênhv lok six phiv liv; 378 ziv pluôs, ziv jê cêr pluôs ntơưv huyện Thuận Châu, Sốp Cộp; 2.513 ziv pluôs, ziv jê cêr pluôs zuôr tsuv tâu paz uô tsêr nhoz trơưk Công điện số 102 ntơưv Thủ tướng Chính Phủ.

Tas nro têx nhiax nhav tâu chia paz uô tsêr trâu pêx xênhv txov nhêv nhoz shông 2025 ntơưv tỉnh yax 197 tỷ đaiv, txix pênhr nhiax Trung ương gruô hu tâu ntơưv UBPX tỉnh Đồng Nai, têx nhiax Tập đoàn Công nghiệp - Viễn Thông Quân đội (Viettell) paz; pênhr nhiax Ủy ban Nhiax txiax Quốc hội paz; pênhr nhiax Trung ương paz trơưk luôs hâux lưv; pênhr nhiax ntơưv tỉnh; đuô li zos têx nhiax uô vax tsê cxơưv tâu, jêx jok, tus khênhx paz.

Ntơưv jias cơưv, đồng chí Bí thư Tỉnh zok hâux lưv trâu cxuô cấp ủy, tổ chức đảng, nov hâu, MTTQ thiaz têx tổ chức chính trị - xã hội chox car, saz lax fuô lês siz luôs jok trơưk Thủ tướng Chính phủ chox car. Ban cán sự đảng UBPX tỉnh chox car, tsi njênhk têx ntâuz ntơưr Trung ương chox car, paz max đơưk têx cêr phiv liv thâuv têx đơn vị, cxuô qơư uô tsêr trâu pêx xênhv txov nhêv; zênhx max njuôk tsov têx nhiax chia paz trơưk đraiv chai, lês tâu jông yax; gruô hu sơưr đơưk siz chos côngv đros têz qơưk côngv têk uô tsêr trâu pêx xênhv txov nhêv nhoz. Cxiz cov cxênhz yuôx ntov cxuô qơư uô tsêr trâu pêx xênhv txov nhêv nhoz trơưk chai. Cxuô huyện, thành phố lês tiar hâux lưv cxênhz yuôx têx tsêr khâuz hlaz; gruô hu cxuô zav nhiax paz uô tsêr trâu pêx xênhv txov nhêv nhoz. Uô ntêx hlo mak, tsi njênhk paz tsơưs yax iz luz huyện cux uô cov tâu 20 luz tsêr, luôx juk uô yiaz thiaz kho đuô cov tiar uô ntêx Tsiaz pêz châus têz qơưk Naz shông 2025./.