Lês chos lul ndo njôngr ntơưv jâus cơưv hnuz 28/9/2022 ntơưv Sở Kôngz lông thiaz Huôv tsar jêx jok tỉnh Sơn La thiaz Sở Kôngz lông shôngz ntông tỉnh Hủa Phăn, oz Sở  tưz sir jos fuô kria, zaz zâuv pêx xênhv têx xã, jok nhoz thax tsav đriv têz lês jông côngz xưv uô kôngz lông; fuô, kria pêx xênhv thax tsav puôz đriv têz zôngv hluôr tơưk trơưk chai, nhaz xênhz; chos luk por hưv jôngr ntơưv têx jok, xã; tir tar têx nênhs hiav txos jôngr.

Txix shông 2022 txos nhiv no, tưz kriz 7 jâus cơưv cấp xã thiaz 640 jâus cơưv cấp jok, tiểu khu chia fuô kria lok sâuv cêr chai têz qơưk por hưv, phax tar tuô hluôr tơưk cuz jôngr thiaz saiz car har jôngr, đros trâu yax 3.300 lưv tus nênhs tâu mnôngs. Cxiv tsa, cxaz nzir 62 đaiv fiax txưr, 24 đaiv ntâuz fuô kria trâu thax tsav nziv cuz jôngr nhoz têx xã đriv têz.

Đros ntơư, tsik so siz chos kriz cxênhz yuôx ntơưv têx thax tsav zov chênhr lok sâuv khênhr muôx nênhs ntor ntông, ruôr jôngr, nav têz, nav qơư nhoz, muôs ntông zuôv chai têz qơưk, nzor pov, côngv tir tar thiaz tik cêr cxâuv ntov têx nênhs zuôv chai. Đhâu lês, têx nênhs tâu vax huôv 2 tỉnh tưz uô ntơưr, tik cêr cxâuv 83 txuz zuôv chai. Hâur côngz xưv phax tar hluôr tơưk cuz jôngr, tưz chox car luôx cêr cêv hluôr tơưk ntơưv têx thax tsav puôk chiav ntơưv têx xã đriv têz. Fuô kria, zaz zâuv têx ziv pêx xênhv hlơưr suô khâuz blôngx, uô têz trơưk chai fuô...

Ntơưv jâus cơưv, 2 tos tưz saz lax thiaz chos lul siz côngv lês côngz xưv por hưv, huôv tsar jôngr thiaz phax tar hluôr tơưk cuz jôngr thax tsav đriv têz Sơn La - Hủa Phăn shông 2024. Hâur ntơư, oz tos zuôr tror kaz tsik tsês siz nus mông lok sâuv côngz xưv saiz car por hưv, huôv tsar jôngr, saiz car têx ntông thiaz phax tar hluôr tơưk cuz jôngr, chok nxiak thôngz iz trôngs luk ntơưv oz tos tâu zênhx max, muôx tsênhz. Cxiv tsa cêr chai fuô mông ntơưv yênhx cấp; fuô trâu cấp tâu vax huôv ntơưv oz luz tỉnh lok sâuv côngz xưv saiz car por hưv, huôv tsar jôngr thiaz phax tar hluôr tơưk cuz jôngr. Nhiak tỉnh tsuv ndo njôngr cxênhz yuôx têx thax tsav zov chênhr nziv zuôr hluôr tơưk cuz jôngr, cxiv tsa cêr xav gruô hu tiz nênhs, yêz, chuôz zênhx chia lês tuô hluôr tơưk cuz...